DeseñaPeme e InnovaPeme 2023

O último ano de referencia dos datos a incluír, en varios apartados do cuestionario de INNOBENCH, son referidos ao ano 2021. Se no se dispón de histórico de dito exercizo e anteriores, pódense incluír os datos do ano 2022 ou na súa falla estimación dos últimos datos do ano 2023.

Solicitei a xeración do informe INNOBENCH pero non me xerou devandito informe: a aplicación xerou unha mensaxe que nun período curto de tempo xerarase devandito informe INNOBENCH e estará a disposición para descarga.

Incidencias de Innobench:

• Teléfonos: 981 541 079/ 881 999 121/ 981 957 017
• mail: innobench.gain@ardan.es

Para cada empresa asociada ou vinculada coa entidade solicitante, ademais de cubrir o anexo V e cada unha das fichas necesaria, indicar que a documentación a presentar para cada unha delas é o especificado nas letras e, g, h do artigo 13.1 (pendente de publicación en DOG unha corrección de erros):

• Nota simple ou certificación do Rexistro Mercantil actualizadas, en que se especifique a data de constitución, administrador/es da sociedade (nome e apelidos ou razón social), o obxecto social, capital, sede social e clasificación CNAE. No caso de que estes docu mentos non estean actualizados ou non se dispoña destes, poderase substituír o dito cer tificado pola presentación das escrituras de constitución da empresa e as súas modificacións posteriores debidamente rexistradas.
• Declaración completa do imposto de sociedades do último exercicio pechado, modelo 200 da Axencia Tributaria Estatal. No caso de non ter antigüidade suficiente para ter obriga de presentar o modelo 200, achegarase declaración responsable conforme non se ten pechado exercicio fiscal e obriga de presentar o imposto de sociedades.
• No caso de non ter traballadores dados de alta no réxime xeral da seguridade social, achegarase documento acreditativo emitido pola Seguridade Social e declaración responsable do representante legal da entidade de non ter traballadores.

Poderán realizarse pagamentos anticipados de ata o 60% da subvención total concedida.
Para a anualidade 2023 poderase solicitar ata o 100% da subvención concedida.
A solicitude de pagamento anticipado deberá cursarse nos seguintes prazos:

• 1ª anualidade: desde a data de concesión e ata o 30 de novembro de 2023
• 2ª anualidade: desde a fin do prazo da primeira anualidade e ata o 30 de abril de 2024

Segundo o art.29.3 da Lei 9/2007, do 13 de xuño, de subvencións de Galicia:
Cando o importe do gasto subvencionable iguale ou supere a contía de 15.000,00 € deberase solicitar como mínimo 3 ofertas de diferentes provedores previamente á contratación do servizo ou de compra dun ben (servizos de asesoramento, consultarías, equipamento e materiais instrumentais, adquisición de licenzas de propiedade industrial, compras de materiais e subministros, e subcontratacións).
Cando a elección da oferta non recaia na máis económica ou polas especiais características non exista no mercado suficiente número de entidades que a realicen, deberá xustificarse e motivarse expresamente nunha memoria.

Pódense subcontratar con organismos de investigación ou outras entidades (sociedades mercantiles, autónomos…) a execución dunha parte das actividades incluídas no Plan de Innovación.
Deberá estar debidamente xustificada e motivada na memoria técnica da solicitude da axuda, que en caso de resolución favorable do plan de innovación entenderase por autorizada.
Hai un importe máximo/límite por empresa subcontratada? A suma de todas as subcontratacións non pode exceder do 50% do orzamento total subvencionable.
É necesario subscribir contrato? Si, será obrigatorio, e será revisado pola Axencia Galega de Innovación.

Pódese imputar custes de persoal propio, polo tempo dedicado exclusivamente ao plan (senón fose ao 100% deberá xustificarse na memoria da solicitude da axuda). Só no caso das micropemes poderanse imputar custos de persoal directivo ou xerencial cun máximo do 30% de deica.
O persoal de nova contratación, deberá dedicarse o 100% ao plan de innovación.