Ignicia Proba de Concepto
Programa: IGNICIA Proba de Concepto
Data de publicación en DOG: 30 de xaneiro de 2023
Código de procedemento: IN855A
Prazo de presentación de solicitudes: 31/01/2023 – 28/02/2023
Que é o Programa Ignicia Proba de Concepto?
A convocatoria promove o desenvolvemento de aplicacións comerciais das investigacións xeradas nos centros de coñecemento galego, a través da consecución de licenzas de comercialización ou a creación de spin-offs. O esixente proceso de avaliación e intensivo apoio durante a execución supón o máximo recoñecemento á ciencia e tecnoloxía xerada en Galicia para garantir o seu impacto na sociedade.
Tipo de apoio
Os beneficiarios reciben un financiamento do 100% dos custos en forma de achega patrimonial onerosa.
Ademais, recibirán asesoramento experto para definir o plan de desenvolvemento e comercialización para garantir a chegada a mercado, así como unha auditoría legal para determinar a viabilidade de explotación. Tamén acceden a formación e acompañamento para a procura de socios empresariais, investidores e clientes potenciais.
Orzamento total: 3.960.000 €
Quen pode solicitar estas axudas?
Os organismos de investigación e difusión públicos ou privados con centro de traballo en Galicia, onde se inclúen: as universidades do SUG, os centros tecnolóxicos e de apoio á innovación tecnolóxica, os centros en Galicia do CSIC, as Fundacións de investigación sanitaria, e outros organismos de investigación que teñan definida a I+D como actividade principal nos seus estatutos.
Documentación e ligazóns
- Convocatoria
- Presentación de solicitudes [Sede electrónica da Xunta de Galicia]
- Anexo II: Memoria técnica (odt)
- Anexo II: Memoria técnica [versión en inglés] (odt)
- Programa Ignicia dunha ollada (pdf)
- Impacto e resultados das anteriores convocatorias do programa
- Presentación da convocatoria 2023 (pdf)
- Listaxe de proxectos seleccionados 1ª fase (pdf)
- Listaxe de proxectos seleccionados 2ª fase (pdf)
Modelos fase de investimento
- Anexo III: Modelo de renuncia (pdf)
- Anexo IV: Modelo solicitude de desembolso por fito (doc)
- Anexo V: Modelo de informe parcial IGNICIA (doc)
- Anexo VI: Modelo seguimento económico (xlsx)
- Instruccións publicidade (zip)
Máis información
- No correo electrónico servizos.gain@xunta.gal
- Nos teléfonos 981 541 076, 981 957 008
Proxectos apoiados nesta convocatoria
- 001_IN855A_2023 ECOFROST_B – Tecnoloxías de refrixeración ecolóxicas baseadas en materiais barocalóricos con emisións neutras de carbono e en economía circular de CO2. Entidade beneficiaria: Universidade da Coruña. Importe concedido: 433.000 €.
- 002_IN855A_2023 GOTIS_II – Desenvolvemento dun tratamento para o ictus cerebral baseado na enzima recombinante GOT. Entidade beneficiaria: Fundación Instituto de Investigación Sanitaria de Santiago de Compostela. Importe concedido: 395.000 €.
- 005_IN855A_2023 TARGET-OA – Desenvolvemento dunha Terapia Dirixida Innovadora para a Artrose. Entidade beneficiaria: Fundación Profesor Novoa Santos. Importe concedido: 607.000 €.
- 007_IN855A_2023 edgeContinuum – Plataforma Edge distribuida altamente escalable. Entidade beneficiaria: Universidade de Vigo. Importe concedido: 445.000 €.
- 017_IN855A_2023 PRETENACC – Valorización de residuos graxos para producir biopolímeros. Entidade beneficiaria: Universidade de Santiago de Compostela. Importe concedido: 320.700 €.
- 023_IN855A_2023 INTEX – Nova xeración de bancos de probas baseados en IA para robótica vestible. Entidade beneficiaria: Fundacion para a Promocion da Innovación, Investigación e Desenvolvemento Tecnolóxico na Industria de Automoción (CTAG). Importe concedido: 351.500 €.
- 025_IN855A_2023 ItDP – Intelligent technical Digital Processing. Entidade beneficiaria: Fundación Centro Tecnolóxico de Telecomunicacións de Galicia (GRADIANT). Importe concedido: 422.478 €.
- 030_IN855A_2023 MytUniSex – Produción e comercialización de liñas de mexillón unisex de interese comercial para os sectores acuícola e conserveiro. Entidade beneficiaria: Universidade de Vigo. Importe concedido: 435.620 €.
- 038_IN855A_2023 ACE – Acute Advanced Cutaneous Evaluator. Entidade beneficiaria: Fundación Centro Tecnolóxico de Telecomunicacións de Galicia (GRADIANT). Importe concedido: 549.702 €.