Convocatoria Unidades Mixtas de Investigación 2025

Programa: Unidades mixtas de investigación
Data de publicación DOG: 18/08/25
Prazo de presentación de solicitudes: 19/08/25 – 06/10/25
Código do procedemento: IN853A, IN853B e IN853C

Obxecto

Convocatoria de axudas dirixidas ás tres fases do Programa de Unidades Mixtas de Investigación da Axencia Galega de Innovación:

• Modalidade A – 1ª fase: Axudas para a creación e posta en marcha de novas unidades mixtas de investigación (IN853A)
• Modalidade B – 2ª fase: Axudas para a consolidación de unidades mixtas de investigación (IN853B)
• Modalidade C – 3ª fase: Axudas para centros mixtos de investigación (IN853C)

Quen pode ser beneficiario destas axudas?

As agrupacións entre un organismo de investigación de Galicia e unha ou varias empresas, das que alomenos unha debe ser unha peme, que formen parte dunha unidade mixta de investigación.

No marco desta convocatoria consideraranse organismos de investigación:

• Os centros tecnolóxicos e de apoio á innovación tecnolóxica de Galicia
• As universidades públicas do sistema universitario galego
• Os centros en Galicia do Consello Superior de Investigacións Científicas
• As fundacións públicas de investigación sanitaria de Galicia
• Outros organismos de investigación de Galicia que teñan definida nos seus estatutos a I+D como actividade principal.

As empresas integrantes das unidades mixtas de investigación poderán ser pequenas, medianas e grandes.

Tipo e intensidade das axudas

• Tipo de convocatoria: convocatoria en réxime de concorrencia competitiva.
• Tipo de axuda: axuda a fondo perdido.
• Orzamento total convocatoria: 12.000.000,00 € para o período 2025 – 2028. As axudas desta convocatoria serán cofinanciadas pola Unión Europea no marco do programa de Galicia Feder 2021-2027.
• Intensidade da axuda: 40% do orzamento subvencionable, cun máximo de 3.000.000,00 €.
• Orzamento mínimo subvencionable:
  • Modalidade A: 1.800.000 €
  • Modalidade B: 2.000.000 €
  • Modalidade C: 3.500.000 €

Documentación e ligazóns

• Convocatoria (pdf)
• Resolución de ampliación do prazo da convocatoria
• Presentación da convocatoria (pdf)
• Presentación de solicitudes
• Resolución do 13/01/2026 de modificación da convocatoria (pdf)
• Resolución da convocatoria (pdf)
• Modelo de renuncia (pdf)

Documentación para a solicitude de anticipos

Poderanse solicitar pagamentos anticipados segundo as seguintes porcentaxes (art. 38):

• Anualidade 2026: ata o 100% da subvención concedida desta anualidade e logo da presentación do acordo regulador da unidade mixta de investigación.
• Anualidades sucesivas: ata o 50% da subvención concedida en cada anualidade.

En ningún caso o importe da totalidade dos anticipos concedidos poderá superar o 80% da subvención total concedida.

A suma dos pagamentos anticipados e á conta non poderá superar o 90% da subvención total concedida.

Para a solicitude dos pagamentos anticipados, deberá presentarse a seguinte documentación:

• Modelo de solicitude de anticipo (pdf)
• Modelo declaración doutras axudas (pdf)

Documentación para a xustificación das axudas

• Solicitude de libramento (pdf)
• Modelo 1 – Informe científico técnico (pdf)
• Modelo 2 – Resumo execución global (ods)
• Modelo 3 – Resumo execución organismo de investigación (ods)
• Modelo 4 – Resumo execución empresa (ods)
• Modelo 5 – Certificado custos de persoal (ods)
• Modelo 6 – Declaración mensual de dedicación do persoal ás actividades da UMI (ods)
• Modelo 7 – Declaración dedicación persoal (pdf)
• Modelo 8 – Declaración doutras axudas (pdf)
• Modelo 9 – Declaración sobre a disposición dun sistema de contabilidade separada (pdf)

Obrigas de información e comunicación

• Regulamento (UE) nº 2021/1060 do Parlamento Europeo e do Consello, do 24 de xuño (pdf)
• Documento ‘O uso do emblema europeo no contexto dos programas da UE 2021-2027’ (pdf)
• Documento ‘Comunicación da Política de Cohesión no período 2021-2027’ (pdf)
• Modelo de cartel (odt)
• Modelo de publicación nas redes sociais (odt)
• Modelo de comunicación ao traballador/a (odt)
• Descarga de logotipos (zip)

Indicadores de comunicación
A maiores da documentación xustificativa de cada anualidade, con carácter semestral solicitarase aos beneficiarios os indicadores de publicacións en redes sociais, actuacións en medios de comunicación e celebración de eventos:

• Manual de indicadores de comunicación (pdf)
• Presentación de indicadores de comunicación (pdf)

Máis información

• No correo electrónico xestion.gain@xunta.gal
• Nos teléfonos 981 54 10 96, 881 99 96 33 e 881 95 86 02