Programa formativo con acreditación RTTP para persoal de xestión de transferencia

A Axencia Galega de Innovación da Xunta de Galicia, en colaboración coa Fundación Barrié, impulsa o desenvolvemento profesional do persoal de xestión de transferencia do Sistema Galego de Innovación. Isto realízase a través da formación especializada e do acceso a metodoloxías de traballo aplicables en procesos de valorización e comercialización de resultados de I+D+i.

O Programa formativo con acreditación RTTP para persoal de xestión de transferencia, proporciona a formación necesaria para que os xestores e xestoras de transferencia do Sistema Galego de Innovación poidan optar á certificación internacional Registered Technology Transfer Professionals (RTTP) da Alliance of Technology Transfer Professionals.

Dentro do programa lévanse a cabo ciclos formativos específicos que buscan fortalecer as capacidades profesionais na xestión da IP, a definición de modelos de negocio, a captación de financiación, a negociación ou o peche de acordos de comercialización.

Ademais, proporciónase apoio e orientación ao persoal de xestión de transferencia na preparación do dossier para a solicitude da acreditación RTTP.

A participación nos cursos e a obtención da acreditación están financiadas pola Axencia Galega de Innovación e a Fundación Barrié.

Documentación e enlaces

• Descrición da acreditación RTTP (pdf)

Curso presencial: “Comercialización de software e know-how dixital”

• Datas: 31 de maio e 1 de xuño de 2023
• Este curso está deseñado para persoal de xestión de transferencia que estea a traballar en áreas clave como a comercialización de software, na que os diferentes enfoques dos dereitos de propiedade intelectual/industrial e as rutas ao mercado sexan precisas recorrentemente.
• Documentación:
  • Programa da acción formativa – Edición maio-xuño 2023 (pdf)
  • Formulario de inscrición – Edición maio-xuño 2023 (pdf)

Actividades previas

• Acción formativa 2022 – IP e Estratexia de Mercado (pdf)
• Acción formativa 2022 – Transferencia e comercialización nas Ciencias Sociais, Artes e Humanidades (pdf)
• Acción formativa 2022 – Comercialización de software e know-how dixital (pdf)
• Acción formativa 2022 – Curso online ASTP (pdf)
• Acción formativa 2021 – Curso online IP e Estratexia de Mercado (pdf)
• Acción formativa 2020 – Transferencia de Tecnoloxía: Valoración e Negociación (pdf)
• Acción formativa 2020 – Construíndo Relacións Universidade-Empresa (pdf)

Máis información

• No enderezo electrónico programacion.centros.gain@xunta.gal
• No teléfono 981 957 012