Consolidación unidades mixtas de investigación 2018
Programa: Consolidación de unidades mixtas de investigación
Data publicación DOG: 22/06/2018
Prazo de presentación de solicitudes: 23/06/2018 – 23/07/2018
Código do procedemento: IN853B
Cal é o obxecto destas axudas?
A consolidación, fortalecemento e mantemento da actividade investigadora e innovadora das unidades mixtas de investigación creadas ao abeiro das convocatorias de axudas de GAIN dos anos 2014 e 2015, dando así continuidade e evolución as expectativas, obxectivos e resultados das súas liñas de investigación e traballo.
Quen pode solicitar estas axudas?
As agrupacións entre un organismo de investigación de Galicia e unha empresa que teñan constituída unha unidade mixta de investigación beneficiaria dunha axuda da Axencia Galega de Innovación para a súa creación e posta en marcha das convocatorias dos anos 2014 e 2015 e que non estean a desfrutar de axudas para a súa consolidación.
Tipo e intensidade das axudas
- Tipo de convocatoria: convocatoria en réxime de concorrencia competitiva.
- Tipo de axuda: axuda a fondo perdido.
- Orzamento total convocatoria: 3.000.000 €
- Intensidade da axuda: 30% do orzamento da unidade mixta subvencionable, cun máximo de 1.300.000 €.
- Orzamento mínimo subvencionable: 1.800.000 €
Máis información
xestion.gain@xunta.gal
981 54 10 96 e 881 99 96 33