Novas

A Xunta impulsa empresas de base tecnolóxica galegas a través da convocatoria de recuperación da excelencia Neotec

14/08/2025

• O Diario Oficial de Galicia publica hoxe a convocatoria destas axudas, dotada con 3 M€, que se poden solicitar desde o 22 de agosto ata o 22 de setembro
• Benefícianse as pequenas empresas innovadoras galegas de recente creación, co obxectivo de converter a nosa Comunidade en rexión de referencia neste eido

Santiago de Compostela, 14 de agosto de 2025.- A Xunta publica hoxe no Diario Oficial de Galicia a convocatoria do programa Recuperación da excelencia Neotec, dirixida ás empresas de base tecnolóxica que superaron os limiares da convocatoria Neotec do Centro para o Desenvolvemento Tecnolóxico e a Innovación (CDTI) pero quedaron fóra das axudas por insuficiencia de crédito da convocatoria estatal. A Consellería de Educación, Ciencia, Universidades e FP destina a esta l …

A construción do novo Cesga será o primeiro proxecto estratéxico de investigación pública de Galicia

12/08/2025

• O conselleiro de Ciencia presenta as infografías do novo edificio do Centro de Supercomputación de Galicia coincidindo coa exposición pública do proxecto
• Román Rodríguez sinala que a declaración que realizará a Xunta grazas a esta nova figura administrativa permitirá axilizar e simplificar ao máximo trámites e prazos
• As obras comezarán en outubro coa previsión de rematar no verán de 2026
• Cun investimento de 56 M€, o edificio terá novos equipamentos de vangarda, xa en licitación, para mellorar as súas capacidades, consolidar o seu liderado internacional, atraer novos fondos e investigadores e fomentar a I+D+i e a competitividade

Santiago de Compostela, 12 de agosto de 2025.- O conselleiro de Educación, Ciencia, Universidades e FP, Román Rodríguez, presentou ho …

A Xunta destina 28 M€ a Nexos, a maior convocatoria de axudas para proxectos colaborativos de I+D+i entre empresas galegas en ámbitos estratéxicos

11/08/2025

• O Diario Oficial de Galicia publícaa mañá e as entidades poden solicitalas ata o 22 de setembro
• É unha das liñas de acción do programa Activa I+G+i, de apoio á colaboración entre empresas e á transferencia efectiva de resultados, cun investimento total de 53 M€

Santiago de Compostela, 11 de agosto de 2025.- O Diario Oficial de Galicia publica mañá a convocatoria do novo programa Nexos, dotada con 28 M€ e que é a maior contía destinada pola Xunta a unhas axudas destas características destinadas a impulsar a I+D+i colaborativa entre empresas, co apoio de centros de coñecemento, en ámbitos estratéxicos para Galicia. Trátase dunha das accións de Activa I+G+i, de apoio á colaboración entre empresas e á transferencia efectiva de resultados, no marco do Plan galeg …

Román Rodríguez destaca o programa Recuperación da excelencia Neotec como unha oportunidade para os proxectos empresariais punteiros

05/08/2025

• O conselleiro de Ciencia, acompañado pola delegada da Xunta en Vigo, visita a empresa aeroespacial UARX Space, beneficiaria da edición de 2023 destas axudas
• Dotada con 3M€, a nova convocatoria de axudas publícase no Diario Oficial de Galicia o vindeiro día 14
• Esta liña forma parte do programa Activa I+G+i, con preto de 53M€ para fomentar a colaboración entre empresas e a transferencia de coñecemento á cidadanía

Nigrán (Pontevedra), 5 de agosto de 2025.- O conselleiro de Educación, Ciencia, Universidades e FP, Román Rodríguez, acompañado pola delegada territorial da Xunta en Vigo, Ana Ortiz, e a directora da Axencia Galega de Innovación, Carmen Cotelo, visitou esta mañá a empresa aeroespacial UARX Space, con sede na localidade pontevedresa de Nigrán, onde aprov …

Román Rodríguez anima ás empresas a presentarse á nova convocatoria de unidades mixtas de investigación que mobilizará 30 M€ e se abrirá en agosto

31/07/2025

• O conselleiro de Ciencia visita ANFACO-CYTMA, onde salienta a importancia desta acción para “facer máis competitivos os nosos sectores estratéxicos”
• Esta liña forma parte programa Activa I+G+i, con preto de 53M€ para fomentar a colaboración entre empresas e a transferencia de coñecemento á cidadanía
• Este centro tecnolóxico desenvolve unha Unidade mixta coas empresas Lagumar Seas e Angulas Aguinaga para a mellora da produción de mexilón e polbo

Vigo, 31 de xullo de 2025.- O conselleiro de Educación, Ciencia, Universidades e FP, Román Rodríguez, visitou hoxe en Vigo ANFACO-CYTMA, onde puxo en valor a nova convocatoria de Unidades mixtas de investigación, dotada con 12 millóns de euros, e animou ás empresas a presentarse a esta liña que forma parte das catro do ...

Román Rodríguez felicita o CiMUS pola distinción María de Maeztu, “un novo fito da I+D+I galega”

29/07/2025

• Felicita a todo o equipo deste centro de investigación, que a Xunta apoia con 15 M€, pola obtención dun recoñecemento que potenciará a captación de talento internacional

Santiago de Compostela, 29 de xullo de 2025.- O conselleiro de Educación, Ciencia, Universidades e FP, Román Rodríguez, participou hoxe na celebración da distinción do Centro Singular de Investigación en Medicina Molecular e Enfermidades Crónicas (CiMUS) como Unidade de Excelencia María de Maeztu, a acreditación máis prestixiosa a nivel estatal. Este é o segundo centro galego que obtén este recoñecemento despois do Instituto Galego de Física de Altas Enerxías (IGFAE), ambos da Universidade de Santiago.

O titular do departamento de Ciencia da Xunta de Galicia, nun acto xunto ao reitor da USC, Anton …

A Xunta reforza a I+D+i das catro fundacións de investigación sanitaria de Galicia cunha inxección de preto de 2 M€ para o bienio 2025-26

29/07/2025

• Román Rodríguez subliña a importancia deste apoio na área da saúde “onde os resultados científicos se traducen nunha mellora directa no día a día dos cidadáns”
• Gómez Caamaño subliña o labor das fundacións públicas de investigación sanitaria na transferencia de coñecemento á práctica clínica
• O Goberno galego financia os gastos estruturais destes centros para potenciar as súas liñas estratéxicas de investigación e para promover a súa excelencia

Santiago de Compostela, 29 de xullo de 2025.- A Xunta de Galicia inxecta preto de 2 M€ para reforzar a I+D+i no eido sanitario en Galicia a través de contratos-programa entre a Axencia Galega de Innovación e catro fundacións de investigación sanitaria galegas para sufragar os seus gastos estruturais durante o b …

Galicia escala nove posicións no ránking das rexións europeas máis innovadoras

20/07/2025

• Segundo o informe da Comisión Europea, a Comunidade é a segunda de España que máis evoluciona e sitúase entre as 25 zonas de Europa con mellor comportamento
• O conselleiro de Ciencia celebra que Galicia “está converxendo en materia de innovación, achegándonos a aquelas rexións máis dinámicas e máis competitivas”

Santiago de Compostela, 20 de xullo de 2025.- Galicia escala nove posicións na clasificación europea de rexións innovadoras da Comisión Europea, o Regional Innovation Scoreboard 2025 que se vén de publicar esta semana. É, ademais, a segunda comunidade autónoma que máis evoluciona en España ao lograr mellorar a súa cualificación en 5,39 puntos, unha nota que só superan Canarias (+5,87) e máis a cidade de Ceuta (+8,05).

Logo do coñecer os resultados …

O Centro de Supercomputación de Galicia incorpora un investigador do prestixioso programa Ramón y Cajal

19/07/2025

• O conselleiro de Ciencia recibe ao científico Pablo Ouro, que levaba 12 anos en Reino Unido e centrará a súa investigación no ámbito das enerxías renovables
• A Xunta leva apoiado aos centros de I+D+i galegos na contratación dos beneficiarios deste programa estatal cun investimento de máis de 8 M€ para 211 investigadores

Santiago de Compostela, 19 de xullo de 2025.- O Centro de Supercomputación de Galicia (Cesga) ven de incorporar ao seu cadro de profesionais un investigador procedente de prestixioso programa Ramón y Cajal. Trátase de Pablo Ouro, quen con este motivo foi recibido polo conselleiro de Educación, Ciencia, Universidades e Formación Profesional, Román Rodríguez, nun encontro no que o representante da Xunta de Galicia se interesou pola liña de investigación …

O equipo da área de talento e transferencia da Axencia Galega de Innovación intégrase nas instalacións do CIFP Ferrolterra para fomentar a I+D+i

17/07/2025

• A directora xeral de FP e a directora da Axencia Galega de Innovación poñen en valor esta colaboración en innovación e emprendemento no tecido empresarial da comarca

Ferrol, 17 de xullo de 2025.- A directora xeral de Formación Profesional, Eugenia Pérez, e a directora da Axencia Galega de Innovación, Carmen Cotelo, visitaron hoxe o Centro Integrado de FP Ferrolterra para coñecer as novas instalacións da Axencia Galega de Innovación. Seis persoas da área de talento e transferencia deste departamento desenvolverán desde alí tarefas vencelladas coa captación e retención de talento investigador, a transferencia de coñecemento e o posicionamento internacional do ecosistema galego de I+D+i.

A directora da Axencia apuntou que a “presenza deste equipo en Ferrolterra contribui …