Novas

A Xunta convida a máis de 370 profesionais da tecnoloxía e da investigación a achegar solucións novidosas á xestión hídrica a través do proxecto Innovaugas, dotado con 7 millóns de euros

06/05/2020

• O inicio hoxe da fase de consultas preliminares ao mercado busca que os centros tecnolóxicos ou os grupos de investigación fagan achegas para perfilar as propostas innovadoras
• Un dos retos fixados é anticipar e mellorar a capacidade de resposta ante os fenómenos naturais relacionados co cambio climático
• Outro obxectivo é incorporar datos en tempo real a un sistema de información que facilite a toma de decisións por parte de Augas de Galicia
• Apóstase por impulsar tecnoloxías innovadoras de desinfección e control de efluentes que permitirían a reutilización de augas depuradas, así como a xestión intelixente das estacións de tratamento para reducir o gasto enerxético
• Ethel Vázquez subliña que o obxectivo do proxecto é contribuir a mellorar o servizo prestado aos ...

Educación e Gain prorrogarán seis meses todos os contratos predoutorais e posdoutorais autonómicos afectados polo estado de alarma

29/04/2020

• Mellórase así de forma substancial a proposta estatal, dado que a extensión do contrato se vai aplicar a todos os investigadores, e non só aos de último ano, e o tempo de prórroga será maior
• O obxectivo é que o traballo e formación dos investigadores non se vexan prexudicados pola crise derivada do Covid-19
• A prórroga confirmóuselles hoxe aos vicerreitores de Investigación e ás direccións dos centros de investigación, en sendas xuntanzas nas que tamén se abordou a convocatoria de 2020 destes contratos

A Consellería de Educación, Universidade e Formación Profesional e a Consellería de Economía, Emprego e Industria, a través da Axencia Galega de Innovación (Gain), prorrogarán seis meses os contratos predoutorais e posdoutorais que destes organismos dependen e q …

A Xunta e o sector aeronáutico galego ven na innovación e nos novos mercados a vía de saída para abrir futuras oportunidades e sortear o COVID-19

29/04/2020

• O conselleiro de Economía, Emprego e Industria, Francisco Conde, mantivo esta mañá un encontro con representantes do Consorcio Aeronáutico Galego
• A Administración autonómica traballa en novas iniciativas vinculadas ao Polo Aeroespacial, como o simulador U-Space, para que Galicia siga sendo unha referencia no sector

Santiago de Compostela, 29 de abril de 2020.- O conselleiro de Economía, Emprego e Industria, Francisco Conde, mantivo un encontro esta mañá con representantes do Consorcio Aeronáutico Galego (CAG), dentro da rolda de contactos que o Goberno autonómico está mantendo con todos os axentes económicos e sociais para avaliar o impacto da situación actual nos distintos sectores e consensuar medidas. Así, Xunta e sector aeronáutico coinciden en sinalar a innovació ...

A Xunta achega ao sector biotecnolóxico as medidas de apoio á innovación relacionadas co COVID-19

22/04/2020

• A directora da Axencia Galega de Innovación (Gain), Patricia Argerey, participou esta mañá no ‘bioalmorzo’ virtual organizado polo Clúster Tecnolóxico Empresarial das Ciencias da Vida (Bioga), centrado nas medidas de apoio fronte ao coronavirus
• Informou das medidas de apoio á innovación postas en marcha polo seu departamento, en especial as axudas directas aos proxectos seleccionados a través da chamada para identificar as capacidades do Sistema galego de innovación

Santiago de Compostela, 22 de abril de 2020.- A directora da Axencia Galega de Innovación (Gain), Patricia Argerey, participou esta mañá nun bioalmorzo virtual organizado polo Clúster Tecnolóxico Empresarial das Ciencias da Vida (Bioga) para explicar as medidas adoptadas pola Xunta para apoiar proxectos …

A Xunta salienta o papel determinante que terá a biotecnoloxía galega na busca de tratamentos contra o COVID-19

19/04/2020

• O conselleiro de Economía, Emprego e Industria, Francisco Conde, mantivo un encontro con representantes do Clúster Tecnolóxico-Empresarial das Ciencias da Vida (Bioga), aos que lles trasladou o compromiso de Galicia con este sector
• Estudarase a inclusión na próxima Estratexia de consolidación do sector biotecnolóxico, que se prevé presentar en 2021, un apartado especial de solucións ao coronavirus

Santiago de Compostela, 19 de abril de 2020.- O conselleiro de Economía, Emprego e Industria, Francisco Conde, mantivo esta semana unha reunión con representantes do Clúster Tecnolóxico-Empresarial das Ciencias da Vida (Bioga), un sector que, tal e como salientou, está gañando moito peso en Galicia e que, sen dúbida, vai ter un papel determinante na busca de tratamentos contr …

A Xunta manterá os programas de innovación cos centros tecnolóxicos para que a I+D+i achegue respostas aos novos retos da industria e da sociedade

16/04/2020

• O conselleiro de Economía, Emprego e Industria, Francisco Conde, acorda coa Alianza Tecnolóxica Intersectorial de Galicia (Atiga) e os centros que forman parte da mesma demandar ao Estado que poidan acceder ás liñas de financiamento do ICO coas mesmas condicións que as empresas
• Sinala que “a innovación será un dos elementos principais que teremos que impulsar no momento de reactivación da economía despois de superar o impacto sanitario do COVID-19”

Santiago de Compostela, 16 de abril de 2020.- O conselleiro de Economía, Emprego e Industria, Francisco Conde, sinalou hoxe que a Xunta defende que os centros tecnolóxicos son un recurso indispensable para o futuro industrial de Galicia, e manterá, a través da Axencia Galega de Innovación (Gain), todos os programas de impu …

O Goberno galego activa 3 millóns de euros para apoiar ás pemes no desenvolvemento de proxectos innovadores e a fabricación inmediata de medios de protección ante o COVID-19

08/04/2020

• Feijóo destaca que das 160 iniciativas innovadoras presentadas á chamada para producir material sanitario, preseleccionáronse 11 para, por exemplo: desenvolver láminas que poidan protexer diferentes superficies fronte ao virus; novos sistemas para respiradores ou sistemas de detección rápida do virus
• O titular da Xunta resalta tamén a activación dun novo programa para impulsar a reorganización produtiva urxente das empresas galegas para facer fronte á emerxencia sanitaria

Santiago de Compostela, 8 de abril de 2020.- O presidente do Goberno galego, Alberto Núñez Feijóo, resaltou hoxe tras a reunión do Consello da Xunta a activación de 3 millóns de euros para apoiar o desenvolvemento de proxectos innovadores vinculados ao coronavirus, así como o impulso da fabricación ...

A Xunta de Galicia mantén aberta ata o próximo venres unha chamada para identificar solucións innovadoras que combatan o coronavirus covid-19

24/03/2020

• Empresas e centros de coñecemento poderán presentar a través da Axencia Galega de Innovación (Gain) solucións innovadoras maduras que contribúan a frear o coronavirus
• Os solicitantes deben achegar as súas solucións a través do formulario habilitado ao efecto na páxina web gain.xunta.gal

Santiago de Compostela, 24 de marzo de 2020.- A Consellería de Economía, Emprego e Industria, a través da Axencia Galega de Innovación (Gain), ten aberta unha chamada a todos os axentes do ecosistema galego de innovación que teñan algunha proposta ou proxecto que poida contribuír á loita contra o coronavirus. Búscanse solucións innovadoras que se poida desenvolver de xeito inmediato e que poderán ser presentadas ata o vindeiro venres 27 de marzo.

Trátase de proxectos para ámbito …

A Xunta chama en Arzúa a fomentar no rural galego o emprendemento feminino desde a innovación

11/03/2020

• O conselleiro de Economía, Emprego e Industria, Francisco Conde, participou esta mañá na xornada ‘Mulleres Innovadoras no Rural’, na que informou das axudas e programa do seu departamento para o desenvolvemento de iniciativas empresariais
• Seis de cada dez novas iniciativas en Galicia están lideradas por mulleres, o nivel máis alto desde 2009

Arzúa (A Coruña), 11 de marzo de 2020.- O conselleiro de Economía, Emprego e Industria, Francisco Conde, participou esta mañá en Arzúa na xornada Mulleres Innovadoras no Rural, un encontro no que informou das axudas do seu departamento ao emprendemento feminino, e no que puxo do manifesto o protagonismo adquirido polas mulleres no liderado de proxectos innovadores no rural.

Conde apelou a incentivar a innovación e o talento 4.0 no …

A Xunta destaca a aposta de Ecoplas pola innovación para diversificar a súa produción e chegar a novos mercados

10/03/2020

• A directora da Axencia Galega de Innovación (Gain), Patricia Argerey, visitou esta compañía da Pobra do Caramiñal que se dedica á fabricación de mallas destinadas ao cultivo e envasado de marisco, así como ao sector hortofrutícola
• A empresa, que exporta a diferentes países de Europa, está a desenvolver un plan de innovación no marco do programa Innova Peme
• O prazo de presentación de solicitudes desta convocatoria está aberto ata o vindeiro 20 de abril

A Pobra do Caramiñal (A Coruña), 10 de marzo de 2020.- A directora da Axencia Galega de Innovación (Gain), Patricia Argerey, visitou esta mañá na Pobra do Caramiñal a empresa Ecoplas Barbanza, onde destacou a aposta desta compañía pola innovación para diversificar e optimizar a súa produción e chegar a novos mer …