Novas

A Xunta publica a primeira base de datos dixital de materiais innovadores creados por empresas e centros de coñecemento galegos

08/10/2020

• A nova web da Materioteca de Galicia permite acceder en aberto á súa base de datos e ao seu catálogo de servizos para impulsar o deseño e a innovación mediante o uso de materiais innovadores
• Presentouse durante o primeiro encontro do ciclo sobre materiais do futuro, no que catro grupos de investigación das universidades galegas amosaron novos materiais para a impresión 3D

Santiago de Compostela, 8 de outubro de 2020.- A Xunta vén de publicar a primeira base de datos dixital de materiais innovadores creados por empresas e centros de coñecemento galegos. Na nova web da Materioteca de Galicia https://materioteca.gal/gl/ quedan dispoñibles a partir de hoxe as fichas técnicas de todos os materiais con selo galego que foron incorporados ao longo do a …

A Xunta e o Inta reforzan a súa colaboración para impulsar novos proxectos de innovación e industrialización no polo aeroespacial de Galicia

06/10/2020

• O vicepresidente económico e conselleiro de Economía, Empresa e Innovación, Francisco Conde, visitou o aeródromo de Rozas (Castro de Rei) xunto co director xeral do Instituto Nacional de Técnica Aeroespacial (Inta), José María Salom
• Sinala o obxectivo de posicionar o Centro de Investigación Aeroportada (CIAR) nun motor dun sector no que Galicia está á vangarda

Castro de Rei (Lugo), 6 de outubro de 2020.- O vicepresidente económico e conselleiro de Economía, Empresa e Innovación, Francisco Conde, visitou hoxe xunto co director xeral do Instituto Nacional de Técnica Aeroespacial (Inta), José María Salom, o aeródromo de Rozas (Castro de Rei), onde puxo de relevo que a Xunta e o Inta están a reforzar a súa colaboración para seguir impulsando novos proxectos de innovaci …

A Xunta presenta a incubadora de descubrimento temperán de fármacos como exemplo de colaboración público-privada da I+D no sector da saúde e da biotecnoloxía

29/09/2020

• A directora da Axencia Galega de Innovación (Gain), Patricia Argerey, a directora científica da Fundación Kaertor, Mabel Loza, e o director de I+D de Janssen, Antonio Gómez, participaron nunha mesa redonda no Bio Investors Day 2020 organizado pola Asociación Española de Bioempresas (Asebio)
• Argerey enmarcou esta iniciativa no potencial da nosa Comunidade no ámbito da biotecnoloxía e na aposta da Administración autonómica pola innovación aberta

Santiago de Compostela, 29 de setembro de 2020.- A directora da Axencia Galega de Innovación (Gain), Patricia Argerey, participou esta mañá nunha mesa redonda online sobre colaboración público-privada no ámbito da saúde e da biotecnoloxía celebrada no marco do Bio Investors Day 2020 da Asociación Española de Bioempresas (Ase …

A Xunta promove a economía circular entre as pemes a través do proxecto europeo C-Voucher

29/09/2020

• A convocatoria 2020 deste proxecto europeo, no que a Axencia Galega de Innovación (Gain) participa como socia, está aberta ata o 30 de outubro
• Pemes galegas dos sectores da saúde, economía azul, téxtil, agroalimentario e fabricación poden presentar os seus proxectos para optar a axudas de ata 15.000 euros e asesoramento

Santiago de Compostela, 29 de setembro de 2020.- A Xunta, a través da Axencia Galega de Innovación (Gain), dependente da Vicepresidencia segunda e Consellería de Economía, Empresa e Innovación, en colaboración con varios clústeres empresariais celebra tres seminarios en liña para presentar a convocatoria para 2020 do proxecto europeo
C- Voucher, que ten como obxectivo promover a economía circular entre as pequenas e medianas empresas.

En concreto, as xo …

A Xunta destaca a resposta da I+D+i galega á pandemia poñendo todo o seu talento e coñecemento ao servizo da sociedade

25/09/2020

• O vicepresidente económico e conselleiro de Economía, Empresa e Innovación, Francisco Conde, e o conselleiro de Sanidade, Julio García Comesaña, participaron hoxe nunha xornada na que se expuxeron máis dunha vintena de proxectos que se están a desenvolver na Comunidade
• A estas iniciativas súmanse os 20 proxectos que participan na aceleradora Connect-19; as oito solucións innovadoras que se desenvolven co apoio da Axencia Galega de Innovación ou as propostas que resulten beneficiadas da orde de axudas por 3M€ para apoiar proxectos innovadores neste eido

Santiago de Compostela, 25 de setembro de 2020.- O vicepresidente económico e conselleiro de Economía, Empresa e Innovación, Francisco Conde, e o conselleiro de Sanidade, Julio García Comesaña, destacaron hoxe a respos …

A Xunta destaca o deseño como ferramenta para contribuír á innovación responsable que demanda a crise da covid-19

24/09/2020

• A directora da Axencia Galega de Innovación, Patricia Argerey, abriu esta mañá o terceiro encontro virtual do ciclo ‘A era poscovid: redeseñar o mundo’
• No encontro, profesionais galegos deste ámbito destacaron a necesidade de construír marcas dotadas de significado capaces de dialogar cos consumidores de xeito honesto

Santiago de Compostela, 24 de setembro de 2020.- A directora da Axencia Galega de Innovación (Gain), Patricia Argerey, destacou o valor do deseño como elemento facilitador de primeira orde para que as solucións innovadoras de resposta á crise aberta pola covid-19 despreguen toda a súa funcionalidade. Argerey interveu esta mañá na apertura institucional do terceiro encontro virtual do ciclo A era pos-COVID: redeseñar o mundo, dedicado ao deseño de marca …

O Polo Aeroespacial de Galicia avanza cara a súa consolidación como centro de referencia a nivel internacional en tecnoloxías relacionadas coa xestión e a seguridade aérea

22/09/2020

• A compañía Boeing realizou no Centro de Investigación Aeroportada de Rozas (CIAR) demostracións das solucións desenvoltas no proxecto de I+D no eido da xestión e da seguridade do tráfico aéreo
• Estas probas de validación forman parte do peche do proxecto, que culmina o vindeiro mes de outubro e que supuxo un investimento público-privado de 10,2 millóns de euros, cofinanciado nun 80% con fondos Feder do período 2014-2020, a través dun convenio de colaboración asinado en 2016 co Estado
• Como resultado desta colaboración, instalouse un laboratorio de simulación de continxencias en voo para vehículos non tripulados, que contribúe a fortalecer a súa competitividade como infraestrutura científico-tecnolóxica e reforza a capacidade e visibilidade internacional da industri …

Conde afirma que as previsións do sector da automoción para o último trimestre do ano son alentadoras e van ter como obxectivo avanzar no desenvolvemento do vehículo eléctrico e autónomo

21/09/2020

• Destaca a forte aposta que PSA está a facer polo vehículo eléctrico tanto a nivel de I+D+i como de infraestruturas
• Indica que o novo taller de baterías subministra 300 unidades diarias para os vehículos eléctricos que o grupo fabrica en España, e sitúan a planta de Balaídos nunha posición de vantaxe competitiva con respecto ao resto de fábricas da multinacional
• Subliña que, desde a prudencia, as perspectivas do sector son esperanzadoras e a iso contribúe o dato de exportacións de xullo, que apunta a unha suba do 74,6% con respecto ao mesmo mes do ano pasado
• Asegura que Galicia aposta pola dixitalización e a eficiencia enerxética con iniciativas pioneiras como os apoios para a electrificación da furgoneta K9, o programa Fábrica Intelixente ou o Plan Moves
• A conse …

A Xunta promove a difusión das mellores estratexias de deseño de marca para adaptar os negocios ao novo escenario

19/09/2020

• A Axencia Galega de Innovación (Gain) organiza o terceiro encontro virtual do ciclo “A era poscovid: redeseñar o mundo” o vindeiro 24 de setembro
• Iván Mato, David Silvosa, Dani Bembibre, Charo Froján e Alfredo Olmedo compartirán a súa visión de futuro sobre o deseño de marcas fortes e relevantes con profesionais do deseño e representantes de empresas e centros tecnolóxicos

Santiago de Compostela, 19 de setembro de 2020.- A Xunta, a través da Axencia Galega de Innovación (Gain), retoma o vindeiro xoves 24 de setembro o ciclo online “A era poscovid: redeseñar o mundo”. Neste terceiro encontro en formato virtual, cinco expertos galegos na estratexia de marca compartirán a súa visión de futuro sobre o valor do deseño e posicionamento de marcas fortes e ben enfocad …

O Polo Aeroespacial de Galicia contará cun parque industrial que albergará unha quincena de hangares dos que, os dous primeiros, de Indra e Babcock, xa están en construción

16/09/2020

• O conselleiro de Economía, Empresa e Innovación puido comprobar a marcha da primeira fase das obras, na cal xa se está a traballar sobre unha área inicial de 3.000m²
• Subliña que o obxectivo é que o Polo Aeroespacial de Galicia conte cunhas instalacións únicas e pioneiras en España que sirvan como base de operacións ás empresas deste sector con tanto potencial de crecemento
• É xustamente un dos retos para os vindeiros cinco anos, nos que se prevé un investimento público-privado de 160M€
• Resalta que, tras lanzar en xuño unha consulta ao mercado para deseñar o Polo Aeroespacial do 2025, se recibiron 153 manifestacións de interese das que máis da metade proceden doutras comunidades e de empresas de países como Israel, EEUU, Portugal, Suíza, Italia ou Holanda

Cast …