Novas

A Eurorrexión Galicia-Norte de Portugal acada máis de 470 millóns de euros para desenvolver 1103 proxectos de innovación

11/05/2021

• A meirande parte das iniciativas encádranse dentro das seis áreas estratéxicas de cooperación identificadas no marco da Estratexia de Especialización Intelixente Tranfronteiriza, liderada pola Xunta e a Comisión de Coordinación e Desenvolvemento Rexional do Norte
• Destacan as áreas de Industria 4.0, o tecido industrial agroalimentario e biotecnolóxico e a vida saudable e envellecemento activo
• A captación de fondos superou con moito as previsións, que se situaban en 360M€

Santiago de Compostela, 11 de maio de 2021.- A directora da Axencia Galega de Innovación (Gain), Patricia Argerey, participou esta mañá nun brokerage tecnolóxico enmarcado na Estratexia de Especialización Intelixente da Eurorrexión Galicia-Norte de Portugal (RIS3T), a primeira RIS transfronteriza d …

A Xunta avoga por posicionar o CIS Galicia como Centro de Innovación de referencia para todo o tecido industrial de Ferrolterra

10/05/2021

• Conde destaca que o CIS Galicia debe ser un punto de encontro dos sectores productivos, aproveitando a presenza nel de entidades como Asime, os clústers do naval e das enerxías renovables, Aclunaga, e Cluergal, respectivamente, e as citadas Navantia e Siemens
• Confía en que o Goberno se comprometa a través do Pacto e Estado por Ferrol a dotar de carga de traballo a Navantia porque a situación, di, é “insostible”
• Destaca a aposta por facer de Ferrolterra un polo enerxético e un hub de eólica offshore a través de proxectos industriais e de xeración que a Xunta avaliará co Goberno e o sector

Ferrol, 10 maio de 2021.- O vicepresidente económico e conselleiro de Economía, Empresa e Innovación, Francisco Conde, precisou hoxe que o Pacto de Estado por Ferrol busca posicion …

Aberto o prazo de solicitude do programa InnovaPeme co que a Xunta apoiará a mobilización de 5,6M€ para potenciar as capacidades e actividades innovadoras de pemes e microempresas galegas

10/05/2021

• As axudas, que se poden solicitar ata o 7 de xuño, contribúen a mellorar a organización da función innovadora, a identificación de tecnoloxías clave do negocio, a comercialización de produtos e servizos e a captación de financiamento para o incremento da innovación ou para a protección industrial dos seus resultados
• Nesta nova edición non se poderán presentar as empresas que xa foran beneficiarias destas axudas con anterioridade, co obxectivo de achegar a innovación ao maior número de compañías posible
• Desde a súa primeira convocatoria, en 2017, este programa xa permitiu apoiar a un total de 124 pemes e microempresas, cunha mobilización de 21,2 millóns de euros de gasto en I+D+i, ademais de favorecer o mantemento e creación de 618 postos de traballo

Santiago de C …

Conde subliña que empresas como Marine Instruments serán imprescindibles no contexto de transición ecolóxica e dixital

06/05/2021

• Salienta que, a través da dixitalización, esta compañía con sede en Porto do Molle contribúe á sustentabilidade da actividade pesqueira
• Convida ao equipo directivo a presentar iniciativas ao Polo Aeroespacial de Galicia no eido da seguridade marítima

Nigrán (Pontevedra), 6 maio de 2021.- O vicepresidente económico e conselleiro de Economía, Empresa e Innovación, Francisco Conde, afirmou hoxe que empresas como Marine Instruments van ser imprescindibles nun contexto de transición ecolóxica que non se pode entender sen a transformación dixital dos sectores produtivos.

Nunha visita ás instalacións desta empresa en Porto do Molle (Nigrán), dedicada ao deseño e fabricación de equipos electrónicos para o sector marítimo-pesqueiro, Conde salientou que, a través da dixit …

Conde subliña que Mestrelab está a contribuír a que Galicia sexa pioneira na dixitalización dos laboratorios de investigación

05/05/2021

• Pon de exemplo o software que ten deseñado e que xa empregan 150.000 científicos en todo o mundo e máis de 1500 institucións académicas, laboratorios e empresas como as que desenvolven as vacinas contra a covid-19
• A Xunta apoia este proxecto a través do programa Fábrica Intelixente, que na súa cuarta edición ampliou o seu orzamento nun 40 por cento, ata os 21M€

Santiago de Compostela, 5 de maio de 2021.- O vicepresidente económico e conselleiro de Economía, Empresa e Innovación, Francisco Conde, salientou hoxe que Mestrelab está contribuíndo a que Galicia sexa pioneira e unha referencia a nivel internacional na dixitalización dos laboratorios de I+D na industria farmacéutica, biotecnolóxica ou química.

Conde participou hoxe nun encontro telemático onde os respon …

Os Premios Nacionais de Mobilidade recoñecen a contribución da Business Factory Auto á competitividade da industria da automoción en Galicia

05/05/2021

• Conde fai extensivo o premio a todas as entidades que colaboran coa Xunta nesta iniciativa: o Grupo Stellantis, Ceaga e o Consorcio Zona Franca de Vigo
• Apunta que é un motivo máis para seguir apostando polo traballo conxunto e polo liderado desta industria a partir do emprendemento, a innovación e o talento

Madrid, 5 maio de 2021.- O vicepresidente económico e conselleiro de Economía, Empresa e Innovación, Francisco Conde, recolleu hoxe o premio que a Plataforma de Empresas pola Mobilidade Sustentable lle outorgou á Business Factory Auto (BFAuto). Segundo dixo, é un recoñecemento a todo canto esta aceleradora está contribuíndo á competitividade do sector galego da automoción.

Nesta primeira edición dos Premios Nacionais de Mobilidade, celebrados en Madrid, Conde quixo f …

As entidades galegas que participaron no programa europeo H2020 captaron máis de 168 M€ entre 2014 e 2020, un 93% máis que no anterior programa marco

04/05/2021

• A directora da Axencia Galega de Innovación (Gain), Patricia Argerey, subliñou este dato na súa visita á empresa TripleAlpha, que obtivo unha axuda da Xunta para preparar unha proposta para este programa

Padrón (A Coruña), 4 de maio de 2021.- A directora da Axencia Galega de Innovación (Gain), Patricia Argerey, realizou unha visita esta mañá á empresa TripleAlpha, beneficiaria dunha axuda da Vicepresidencia segunda e Consellería de Economía, Empresa e Innovación, para preparar unha proposta de calidade dirixida ao programa marco Horizon 2020 (H2020), da Unión Europea. Neste contexto, Patricia Argerey fixo un balance da participación galega no programa europeo de I+D+i no período 2014-2020, constatando que as entidades galegas conseguiron un retorno de máis de 168M€, o …

Aberta a manifestación de interese da Xunta para a implantación de novos centros de I+D empresarial en Galicia

01/05/2021

• Ten como obxectivo, dentro do espírito de afondar na colaboración público-privada, coñecer as propostas de potenciais empresas interesadas e ao mesmo tempo contar coa información necesaria para que o Goberno galego poida deseñar posteriormente instrumentos de apoio axeitados
• Os centros de I+D que se propoñan deberán supoñer un investimento mínimo en Galicia de 10M€ e a creación de polo menos 30 empregos
• A Vicepresidencia económica, a través da Axencia Galega de Innovación (Gain), aspira con esta iniciativa acceder aos fondos europeos e coincide co proceso de elaboración da Estratexia de Especialización Intelixente (RIS3) de Galicia
• As entidades interesadas xa poden enviar os seus proxectos ata o próximo 31 de maio ao correo electrónico innovacion.gain@xunta.gal

A Xunta comeza unha nova iniciativa para promover encontros de transferencia e innovación entre empresas e centros de coñecemento galegos

30/04/2021

• A directora da Axencia Galega de Innovación (Gain), Patricia Argerey, asistiu ao primeiro acto desta experiencia que, enmarcada no programa Ignicia, pretende activar procesos colaborativos que permitan xerar solucións aos retos empresariais identificados
• Este primeiro ciclo celebrarase ata o mes de xullo e xirará en torno a cuestións ambientais

Santiago de Compostela, 30 de abril de 2021.- A Xunta de Galicia, a través da Axencia Galega de Innovación (Gain), arrincou hoxe o primeiro ciclo de Encontros de Transferencia e Innovación que reuniu na súa xornada inaugural a empresas do ámbito loxístico e centros de coñecemento para afondar de xeito específico no reto climático para ese sector en concreto. Esta nova iniciativa forma parte do programa Ignicia, que agrupa as distin …

A Xunta abre unha manifestación de interese que impulsará a implantación de novos centros de I+D+i en Galicia no marco da reconstrución

29/04/2021

• Feijóo salienta que a iniciativa permitirá identificar potenciais empresas interesadas en asentar en Galicia os seus centros e obter información sobre o ecosistema de innovación para definir futuros apoios
• Anuncia que a Manifestación de Interese xa activada para identificar iniciativas de empresas do sector primario, agroalimentario e outros que poidan optar aos fondos da UE ampliará ata o 14 de maio o prazo de recepción de solicitudes

Santiago de Compostela, 29 de abril de 2021.- O presidente do Goberno galego, Alberto Núñez Feijóo, informou hoxe da apertura ata o 31 de maio dunha manifestación de interese que impulsará a localización de novos centros de I+D+i en Galicia no marco da reconstrución económica post-pandemia.

Unha iniciativa, dixo, que estará encadrada d …