Novas

A Xunta convoca axudas para que pemes e microempresas melloren a súa capacidade innovadora coa contratación de servizos profesionais externos

22/01/2024

• O Diario Oficial de Galicia publica hoxe a nova convocatoria de Bonos de innovación, que conta nesta edición cun orzamento de 750.000 euros
• O obxectivo deste programa, cuxo prazo de presentación de solicitudes permanecerá aberto ata o 22 de febreiro, é impulsar os primeiros pasos para innovar en autónomos, microempresas e pemes galegas

Santiago de Compostela, 22 de xaneiro de 2024.- O Diario Oficial de Galicia (DOG) publica hoxe a convocatoria de 2024 de Bonos de Innovación, dotada cun orzamento de 750.000 euros, co obxectivo de impulsar os primeiros pasos para innovar en autónomos, microempresas, pemes e entidades do terceiro sector de acción social, e ademais permitir dar visibilidade á innovación que estas levan a cabo.

Este instrumento, que chega á súa terceira edic …

A Xunta busca oportunidades de negocio para os proxectos de investigación galegos na feira internacional Science for Industry de Madrid

18/01/2024

• A Consellería de Economía, Industria e Innovación conta cun stand institucional no que participan hoxe e mañá máis dunha decena de entidades de I+D+i galegas
• Esta acción enmárcase no Programa Ignicia Transferencia de Coñecemento, promovido pola Axencia Galega de Innovación en colaboración coa Fundación Barrié

Santiago de Compostela, 18 de xaneiro de 2024.- A Xunta de Galicia busca oportunidades de negocio para os proxectos de investigación dirixidos á industria do ecosistema galego de I+D+i na feira internacional Science for Industry-S4i, que se celebra hoxe e mañá en Madrid. Así, a Consellería de Economía, Industria e Innovación, a través da Axencia Galega de Innovación, conta cun stand institucional no que participan máis dunha decena de entidades de I+D+i ga …

A Xunta pon á peme cambadesa Real Conservera Española como exemplo de aposta por incorporar a innovación ao seu día a día

16/01/2024

• A empresa conserveira está implementando un plan a través do programa InnovaPeme co obxectivo de sistematizar a Innovación, obter o selo de Peme innovadora, incrementar a súa competitividade nos mercados exteriores e optimizar os procesos produtivos

Cambados (Pontevedra), 16 de xaneiro de 2024.- A directora da Axencia Galega de Innovación (Gain), Patricia Argerey, e o delegado territorial da Xunta de Galicia en Pontevedra, Agustín Reguera, visitaron esta mañá a empresa conserveira Real Conservera Española en Cambados para coñecer o plan de innovación que están a implementar a través do programa InnovaPeme da Xunta de Galicia.

No período 2023-2024 a peme conserveira investirá preto de 85.000 euros na adaptación da compañía aos novos retos da industria, co obxectivo úl …

A Xunta e o Clúster da Saúde asinan un convenio de colaboración para impulsar o sector biotecnolóxico sanitario en Galicia

05/01/2024

• A conselleira de Economía, Industria e Innovación, María Jesús Lorenzana, e a presidenta do Clúster da Saúde de Galicia, Rocío Mosquera, asinaron o texto
• O acordo, que comporta un orzamento total de 228.000 euros e se estende ata 2025, contempla a realización de diversas actuacións para potenciar a innovación e a transferencia de coñecemento entre empresas do sector da saúde e demais entidades vinculadas
• O obxectivo é ampliar os servizos que o Clúster da Saúde presta ao conxunto do ecosistema biotech en Galicia en materia de innovación, para mellorar o posicionamento internacional da Comunidade como biorrexión
• Unha das metas é acadar a acreditación do clúster como Agrupación Empresarial Innovadora estatal recoñecida polo Ministerio de Industria e Turismo

Sant …

A Xunta apoia a transformación dixital de empresas como a luguesa Álvarez Real, beneficiaria do programa InnovaPeme

03/01/2024

• A empresa luguesa implantará un plan de innovación co apoio da Xunta de Galicia
• Este plan inclúe a creación dunha unidade de innovación dixital; a optimización de procesos e sistemas de información e a seguridade da información crítica

Lugo, 3 de xaneiro de 2024.- A directora da Axencia Galega de Innovación, Patricia Argerey, acompañada polo delegado territorial da Xunta de Galicia en Lugo, Javier Arias, visitou a peme luguesa Álvarez Real, para coñecer o plan de innovación que van implantar en 2024 co apoio da Xunta a través do programa InnovaPeme.

Dedicada á consultoría, xestión de empresas, propiedade intelectual e rexistro de patentes, entre outros servizos, Álvarez Real contempla tres obxectivos cun investimento de máis de 60.000 euros: a creación dunha unid …

A Xunta achega en Ferrol a ciencia e a tecnoloxía ao público familiar a través do cine

29/12/2023

• A directora da Axencia Galega de Innovación, Patricia Argerey, asistiu esta mañá á segunda sesión de cine e show científico no CIS Tecnoloxía e Deseño
• Esta actividade enmárcase no programa D´tec de fomento das vocacións científico-tecnolóxicas no eido da innovación, a tecnoloxía e o deseño

Ferrol, 29 de decembro de 2023.- A directora da Axencia Galega de Innovación, Patricia Argerey, asistiu esta mañá á segunda sesión de cine e show científico de Nadal organizada no CIS Tecnoloxía e Deseño de Ferrol. Nesta ocasión, proxectouse a película de animación Robots e, a continuación, celebrouse unha charla que analizou o seu contido —a innovación tecnolóxica, a intelixencia artificial e a robótica- desde un punto de vista científico dun xeito ameno e didáct …

Lorenzana pon en valor o fomento das vocacións científicas entre o estudantado que impulsa o CIS Galicia

26/12/2023

• A conselleira de Economía, Industria e Innovación, María Jesús Lorenzana, visitou hoxe en Ferrol o campamento científico no que participan esta semana preto de 40 alumnos e alumnas de ESO

Ferrol, 26 de decembro de 2023.- A conselleira de Economía, Industria e Innovación, María Jesús Lorenzana, visitou hoxe en Ferrol o campamento científico-tecnolóxico D’Tec, que desenvolve a súa terceira edición durante esta semana no CIS Tecnoloxía e Deseño coa participación de preto de 40 estudantes de educación secundaria obrigatoria (ESO) de toda a comarca.

Durante a visita, Lorenzana incidiu na importancia de promover o interese e a vocación dos rapaces e as rapazas pola ciencia e a tecnoloxía, subliñando que a través desta iniciativa se contribúe tamén á conciliación fa …

Os premios Galicia de Innovación e Deseño 2023 recoñecen a profesionais e empresas que contribúen a “mellorar a competitividade e a calidade de vida”

21/12/2023

• A conselleira de Economía, Industria e Innovación, María Jesús Lorenzana, sinala na entrega destes galardóns que tanto gañadores como finalistas reivindican a marca Galicia co seu traballo e creatividade

• No ámbito do deseño, resultaron premiados Uqui Permui pola súa traxectoria e Ismael Velo como talento emerxente, así como a empresa Costa Comunicación Visual; mentres que no tocante á innovación os galardoados son Centum Research & Tecnhology, Pasek Minerales e Carme Pampín

Santiago de Compostela, 21 de decembro de 2023.- A conselleira de Economía, Industria e Innovación, María Jesús Lorenzana, sinalou hoxe na entrega dos Premios Galicia de Innovación e Deseño 2023, impulsados pola Xunta, que estes galardóns serven para poñer de relevo “como a innovación e o ...

A Xunta destaca la contribución de DATAlife á transformación dixital das pemes galegas e á internacionalización do ecosistema de innovación

20/12/2023

• A directora da Axencia Galega de Innovación, Patricia Argerey, participou esta mañá na asemblea ordinaria do hub de innovación dixital DATAlife
• A Administración autonómica leva apoiado a esta entidade desde a súa creación en 2019 con máis de 491.000 euros 

Santiago, 20 de decembro de 2023.- A directora da Axencia Galega de Innovación, Patricia Argerey, interviu esta mañá na asemblea ordinaria do hub de innovación dixital DATAlife. Argerey felicitou aos socios do Hub por promover esta organización que apoia a dixitalización e a transformación dixital nas cadeas de valor asociadas (saúde e coidados, agricultura, mar, agroalimentación e forestal-madeira) acadando as 5.000 pemes apoiadas a través dos seus servizos, os 800 servizos de innovación prestados e os 27 prox …

A Xunta destaca que proxectos como UVigo Spacelab son mostra do talento innovador e emprendedor do estudantado galego

19/12/2023

• A directora da Axencia Galega de Innovación, Patricia Argerey, visitou hoxe as instalacións coas que conta este equipo de estudantes dedicado ao deseño, fabricación e operación de pequenos satélites e misións espaciais

• A Administración autonómica apóiaos no desenvolvemento do proxecto de nanosatélite BIXO, que será enviado ao espazo no 2025 e que ten por obxectivo analizar os efectos da exposición prolongada de microorganismos ao medio espacial

Vigo, 19 de decembro de 2023.- A directora da Axencia Galega de Innovación, Patricia Argerey, visitou hoxe as instalacións de UVigo Spacelab, unha asociación xurdida no marco da Universidade de Vigo á que a Xunta presta apoio no marco do Polo Aeroespacial de Galicia no desenvolvemento do proxecto de nanosatélite BIXO.

Argere …