Novas

Conde avoga por aproveitar Navalia para “tecer novas alianzas e seguir medrando de cara a ofrecer a máxima calidade e competitividade”

28/04/2014

• Resalta a importancia para o sector naval dunha feira que supón o maior encontro de estaleiros de todo o mundo celebrado en España
• “Cada dous anos, Navalia ten conseguido levar o nome de Galicia e o prestixio do seu sector naval aos principais mercados de todo o mundo”, explica
• Aposta por impulsar a innovación na industria a través da Estratexia de Especialización Intelixente, que ten no naval un dos seus principais protagonistas
• Lembra os avances acadados polo sector desde a anterior celebración da Feira en 2012, procurando vías de financiamento, obtendo un novo tax lease ou acadando a confianza da cuarta petroleira do mundo para a consecución de contratos

O conselleiro de Economía e Industria, Francisco Conde, avogou hoxe, durante a presentación da quinta edición …

A Xunta, as universidades, os centros tecnolóxicos e o Clúster Tic alíanse para impulsar o crecemento do sector a través do programa Transformatic

21/04/2014

• Busca garantir o aliñamento entre os esforzos públicos e privados, reforzar a transferencia do coñecemento ao mercado e fortalecer o sector tecnolóxico
• Aposta pola compra pública innovadora para o desenvolvemento de proxectos TIC no sector público e o impulso á incorporación da tecnoloxía nos principais sectores produtivos
• O programa contempla a creación dun sistema de apoio integral ao emprendedor dixital e medidas para maximizar a captación de fondos de convocatorias de I+D+i
• Favorecerá a presenza do sector no exterior para conseguir incrementar a súa cifra de negocio en cinco puntos porcentuais tanto no mercado español como na Unión Europea e noutros continentes

A Xunta, as tres universidades galegas, os centros tecnolóxicos dedicados ás tecnoloxías da informa …

Conde destaca ao laboratorio lucense AMSlab como exemplo dos valores de emprendemento innovador da estratexia de especialización intelixente (RIS3)

11/04/2014

• O conselleiro de Economía e Industria visita as instalacións da empresa de análises químicos no polígono de O Ceao, onde leva a cabo 40.000 probas analíticas cada ano en múltiples sectores, especialmente o téxtil e o da alimentación
• Resalta a aposta polo talento galego da empresa, crecendo de 5 a 60 empregados desde 2008 apoiándose tanto nos apoios públicos da Xunta como en fondos de capital risco como Unirisco
• Subliña o potencial internacionalizador da empresa, que pese á súa xuventude xa vende os seus servizos a varios continentes e ten representación permanente en tres países

O conselleiro de Economía e Industria, Francisco Conde, destacou hoxe ao laboratorio lucense AMSlab como exemplo dos valores de emprendemento innovador impulsados pola Estratexia de Especial …

Conde pon á multinacional alemana SGL Carbón como “exemplo das posibilidades que ofrece Galicia ao exterior”

07/04/2014

• O conselleiro de Economía e Industria visitou hoxe ás instalacións “dun gran grupo internacional ao servizo da innovación” que leva máis de medio século en Galicia dando emprego a case 200 persoas
• Subliña o arraigo da empresa na Comunidade e a súa aposta por medrar en Galicia, como demostra o novo investimento dirixido a ampliar a planta de produción da Coruña de cara a incrementar a súa competitividade internacional
• Resalta o bo facer dunha planta que se configura como a máis produtiva do grupo e exporta o 80% da súa produción
• Destaca o valor de Galicia como unha economía na que cada vez máis empresas estranxeiras están depositando a súa confianza

O conselleiro de Economía e Industria, Francisco Conde, salientou hoxe que a presenza da multinacional SGL Car …

O Cesga respalda cos seus sistemas de supercomputación a busca de novos fármacos da Universidade de Santiago no marco do proxecto Innopharma

02/04/2014

• O Centro de Supercomputación de Galicia, adscrito á Consellería de Economía e Industria, se porá ao servizo da plataforma que une as capacidades dos equipos liderados polos doutores Ángel Carracedo e Mabel Loza
• A iniciativa busca aumentar a transferencia de coñecementos ao mercado e potenciar o sector farmacéutico en Galicia

O Centro de Supercomputación de Galicia (Cesga) apoiará cos seus sistemas de supercomputación a busca de novos fármacos que a Universidade de Santiago está a levar a cabo no marco do proxecto Innopharma. Esta iniciativa inclúe a creación dunha plataforma de farmacoxenómica que une as capacidades das Plataformas de Xenómica e de Cribado de Fármacos da universidade, liderados polos doutores Ángel Carracedo e Mabel Loza, respectivamente.

O obxecti …

Conde salienta a innovación desenvolta por Ibérica de Esponjas Vegetales na produción de novos materiais cara aos sectores cosmético e industrial

31/03/2014

• O conselleiro de Economía e Industria visitou ás instalacións da xoven empresa en Caldas de Reis, onde cultiva 60 hectáreas de esponxas a partir dun cruce xenético de varias subespecies vexetais, fundamentalmente cabaciña
• Resalta que ademais do mercado que está a abrir para o uso doméstico, a compañía que xa captou a interese de Europa e o mercado árabe grazas á innovación

O conselleiro de Economía e Industria, Francisco Conde, salientou hoxe o potencial innovador nos sectores industrial e cosmético da xoven empresa de Caldas de Reis Ibérica de Esponjas Vegetales, que desenvolve esponxas cultivadas de gran lixeireza e resistencia e traballa para substituír o uso de fibras sintéticas por fibras naturais. Conde visitou as instalacións da empresa, situadas no municipio …

Conde subliña que a automoción está chamada a facer unha contribución estratéxica ao principal reto da RIS3: a construción dun novo modelo industrial a partir da I+D+i

28/03/2014

• Asegura que a RIS3 porá o foco no sector da automoción para “fortalecer o indiscutible músculo produtivo” desta industria en Galicia a través da innovación, e que este reto pasa por que sexa capaz de reiventarse e de diversificar a súa industria auxiliar para atopar novos nichos de mercado e acceder a sectores de alta tecnoloxía
• Sostén que a fábrica de Citroën en Vigo debe ser “o polo dinamizador de todo un sector que quere apostar pola I+D+i como fórmula de liderado e como motor de expansión e crecemento”

O conselleiro de Economía e Industria, Francisco Conde, subliñou hoxe que o sector galego da automoción, liderado por PSA-Citroën, está chamado a facer unha contribución estratéxica a un dos principais retos da Estratexia de Especialización Intelixente ( ...

Feijóo anuncia a posta en marcha do programa Innova en Galicia que arrancará cunha liña de 5 millóns de euros para unir os centros de coñecemento e as grandes empresas na creación de entes de I+D+i

28/03/2014

• Afirma que os obxectivos do impulso a estes centros mixtos é fixar actividade de grandes empresas en Galicia e, polo tanto, emprego; e sacar o máximo rendemento da investigación galega ao garantir a transferencia ao mercado do coñecemento que se produce na nosa Autonomía
• Avanza que o programa Innova en Galicia se completará coa posta en marcha nos vindeiros meses de tres proxectos estratéxicos singulares de forma conxunta entre a Administración e grandes empresas
• Subliña que, en total Innova Xunta mobilizará, neste ano 2014, máis de 26 millóns en crear un polo de I+D+i en Galicia
• Refírese a RIS3 como unha fórmula axeitada para continuar aumentando o investimento estranxeiro en Galicia, que nos últimos tempos está a experimentar un notable crecemento, acadando en 201 …

Feijóo anuncia o Plan de investimento da Eurorrexión, que guiará o acceso aos fondos transfronteirizos da UE co triplo obxectivo de máis innovación, máis emprego e maior protección do ambiente

27/03/2014

• Refírese a este plan como unha folla de ruta de investimentos conxuntos no eido da Eurorrexión que abre as portas dunha cooperación de nova xeración e que, por tanto, afianza a posición de vangarda da Eurorrexión no Comité de Rexións de Europa
• No eido do fomento do emprego, destaca a posta en marcha de actuacións para converter a Eurorrexión nun territorio máis atractivo para o investimento, así como o fomento da súa internacionalización económica
• Lembra que nestes últimos anos ten habido avances importantes na Eurorrexión de Galicia e Norte de Portugal e contamos cunha Eurorrexión: máis ampla e na que, por tanto, se integran máis cidadáns; máis eficiente grazas á consolidación da Agrupación Europea de Cooperación Territorial e mellor comunicada

O president …

A Xunta presenta a Estratexia de Especialización Intelixente (RIS3) de Galicia como guía para converter a comunidade nunha economía baseada na innovación en 2020

25/03/2014

• O documento guiará o investimento de máis de 1.600 millóns de euros en fondos europeos e capital privado durante os vindeiros sete anos
• O vicepresidente da Xunta, Alfonso Rueda, destaca que a ambición e recursos da estratexia a converten no “manual de instrucións para a transformación dun país”
• O conselleiro de Economía e Industria, Francisco Conde, salienta que a aposta pola RIS3 é a aposta de Galicia pola creatividade como eixo dun futuro que lle permita ser máis competitiva e capaz de crear emprego sostible
• Máis de 240 axentes do Sistema Galego de Innovación participaron na elaboración do documento, unha “visión común” do futuro compartido da economía galega
• O documento subliña o apoio ás pemes, a implicación do capital privado, a transferencia de re …