Novas

A Xunta impulsa a mobilización de 9,5M€ en innovación en 49 empresas galegas a través do programa pioneiro Innova Peme

08/12/2017

• O obxectivo é que lancen novos produtos e servizos ou melloren os seus procesos a través de axudas que alcanzan preto dos 100.000 euros de media por beneficiario

• Para a metade das empresas que acceden a estes apoios é a primeira vez que obteñen axudas de GAIN e, polo tanto, supón a súa primeira oportunidade para introducir ou consolidar a innovación

• A convocatoria apoia a contratación ou mantemento de 263 postos de traballo, a adquisición de equipamento, servizos de asesoramento e a obtención de licenzas e patentes

• Case oito de cada dez beneficiarias son pequenas e microempresas, sendo o sector TIC o más representado, e no 90% dos proxectos colaborarán organismos de investigación con sede en Galicia

Santiago de Compostela, 8 de decembro de 2017.- A Consellería de ...

Conde salienta a aposta do coworking do CIS Madeira pola innovación forestal para explorar novos usos da madeira

05/12/2017

• O conselleiro de Economía, Emprego e Industria, Francisco Conde, visitou hoxe en Ourense aos 27 emprendedores que con 20 proxectos están participando neste espazo de emprendemento, que desenvolve a Xunta en colaboración coa EOI
• Trátase dunha iniciativa pioneira por ser a primeira en Galicia dedicada ao ámbito forestal e da madeira
• Destaca que na innovación radica a clave da competitividade, un eido que o Goberno galego está impulsando con axudas como as do Innova Peme que beneficiarán a 49 empresas galegas
• Este programa, que vén de resolverse, mobilizará 9,5 millóns de euros e ten como obxectivo que as pemes e micropemes desenvolvan novos produtos e servizos a través da innovación

Ourense, 5 de decembro de 2017.- O conselleiro de Economía, Emprego e Industria, Franci …

A Xunta destaca que a incubadora activada con Janssen e a Fundación Kaertor fará de Galicia un polo de innovación no descubrimento de novos fármacos

05/12/2017

• Conde pon en valor a magnitude internacional da iniciativa, que recibiu máis de 150 propostas, a súa capacidade para atraer o mellor talento á Comunidade galega e a oportunidade que supón para a creación de emprego de alta cualificación
• Galicia é a terceira comunidade onde máis crece o sector biotech, o dobre que a media nacional, e a quinta con máis empresas neste ámbito
• A Estratexia de Impulso á Biotecnoloxía da Xunta mobilizará 200 millóns de euros ata o final desta década co obxectivo de seguir impulsando a innovación e acadar un tecido industrial máis competitivo

Os conselleiros de Economía, Emprego e Industria, e de Sanidade, Francisco Conde e Jesús Vázquez Almuiña, respectivamente, asistiron hoxe en Santiago á presentación da primeira incubadora galega …

A FGE e a Axencia Galega de Innovación convocan unha bolsa de formación para titulados superiores no ámbito da I+D+i

29/11/2017

• As prácticas formativas consistirán na asistencia ás reunións en Bruxelas das redes de cooperación rexional nas que participa a Xunta para promover a participación galega en proxectos europeos de I+D+i
• Esta iniciativa enmárcase dentro dun dos obxectivos fundacionais da FGE: a formación sobre a UE en Galicia
• O prazo de presentación de solicitudes remata o vindeiro 22 de decembro

Bruxelas, 22 de novembro de 2017. A Fundación Galicia Europa convoca por terceiro ano consecutivo e en colaboración coa Axencia Galega de Innovación (GAIN), unha bolsa de prácticas formativas para titulados superiores universitarios co obxecto de formar á persoa seleccionada na xestión de proxectos europeos no ámbito da innovación e a investigación. Esta é a terceira convocatoria da bolsa ...

A Xunta destaca que Galicia acadou un retorno de 53,8 millóns de euros a través do programa europeo H2020

29/11/2017

• A directora da Axencia Galega de Innovación (Gain), Patricia Argerey, participou hoxe en Santiago na inauguración da xornada Infoday H2020 sobre agroalimentación e enerxía
• Animou aos axentes da innovación á participación nas novas convocatorias desta iniciativa europea

Santiago de Compostela, 29 de novembro de 2017.- A directora da Axencia Galega de Innovación (Gain), Patricia Argerey, participou hoxe na inauguración da xornada Infoday H2020 retos sociais 2 e 3: Información práctica para propostas en agroalimentación e enerxía na sede da Fundación Empresa Universidade Galega (FEUGA) en Santiago, onde destacou a importancia do programa europeo Horizonte2020 (H2020), recordando que se veñen de aprobar os plans de traballo que inclúen as actividades e convocatorias que s …

A Xunta mellora os servizos do Cesga ao multiplicar por cinco a capacidade dos seus servidores de datos

29/11/2017

• O Goberno galego participa no financiamento do novo equipo de última xeración que permitirá ao Centro de Supercomputación de Galicia contar cun novo equipo de 1,54 millóns de xigabites
• A tecnoloxía instalada acelerará os avances na investigación en novos materiais e fármacos, en cancro, en medicina personalizada e investigación xenómica, e permitirá incrementar a resolución dos modelos meteorolóxicos, oceanográficos e climáticos
• O Cesga poderá así responder mellor ás demandas dos grupos de investigación e ás pemes innovadoras

Santiago de Compostela, 29 de novembro de 2017.- A Xunta de Galicia, a través da Consellería de Economía, Emprego e Industria, reforza os servizos ligados a grandes volumes de datos do Centro de Supercomputación de Galicia (Cesga) cun n …

Feijóo salienta o esforzo e a determinación do sector de compoñentes para, con máis tecnoloxía e innovación, dar resposta ás novas demandas da industria

28/11/2017

• Asegura que innovar en procesos é hoxe máis que un imperativo para calquera empresa, “porque é coa innovación como se dá resposta ás tres frontes que se lle presentan no seu día a día: o cliente, a competencia e o cambio”
• Subliña que a Axenda Industria 4.0 segue a ser a folla de ruta da Xunta. “E, neste bienio investiremos 175 millóns para acadar este obxectivo, un 22% máis que no período anterior”, di
• Refírese á importancia de continuar coa aposta pola formación, para seguir dando resposta aos novos perfís profesionais que demandan as empresas
• Precisa que en 2018 a Xunta contará cun orzamento de 135 millóns para políticas de formación e orientación laboral

Vigo, 28 de novembro de 2017.- O presidente da Xunta, Alberto Núñez Feijóo, destacou hoxe o e …

A Xunta avalía con Aclunaga as perspectivas do naval en Galicia e medidas para seguir fortalecendo ao sector

27/11/2017

• O conselleiro de Economía, Emprego e Industria, Francisco Conde, mantivo hoxe en Santiago unha xuntanza co clúster do naval galego
• Analizaron ferramentas que afiancen a formación e a innovación do sector co obxectivo de incrementar os investimentos
• O plan de formación no naval, dirixido á cualificación de 3.000 traballadores, multiplica por cinco o número de cursos
• Galicia mantén o liderado da construción naval co 38% da carga de traballo realizada en España no primeiro semestre de 2017 que suman preto de 2.900 millóns de euros de investimento

Santiago de Compostela, 27 de novembro de 2017.- O conselleiro de Economía, Emprego e Industria, Francisco Conde, mantivo hoxe en Santiago unha xuntanza co presidente do Clúster do naval galego, Marcos Freire, e outros responsa …

A Xunta presenta o polo tecnolóxico e industrial de Rozas ante o principal organismo latinoamericano no ámbito da aviación civil

26/11/2017

• A Axencia Galega de Innovación, xunto aos socios Indra e Babcock, presentan a Civil UAVs Initiative no marco da asemblea da Comisión Latinoamericana de Aviación Civil como caso de éxito de desenvolvemento do sector dos vehículos non tripulados (UAV) para uso civil
• Asinou tamén un memorando de entendemento co fin de colaborar con gobernos, reguladores e institucións en materia de formación, asesoramento e identificación de tecnoloxías baseadas en UAVs para unha mellor prestación de servizos públicos

Ushuaia (Arxentina), 26 de novembro de 2017.- A directora da Axencia Galega de Innovación, Patricia Argerey, participou na asemblea extraordinaria da Comisión Latinoamericana de Aviación Civil (CLAC) para presentar o polo tecnolóxico e industrial de vehículos non tripulados …

Conde constata en México a expansión internacional da automoción galega grazas ao seu esforzo constante por innovar

16/11/2017

• Asegura na visita, na que o sector da automoción de Galicia estivo representado polo CTAG, que a planta de Viza é un exemplo claro de canto está crecendo a industria galega de compoñentes, e que reflicte como a innovación lle está abrindo portas ao sector nos mercados estranxeiros
• A nova planta, que vai prover a Volkswagen en Puebla, é unha das 3 filiais que esta empresa de capital cen por cento galego ten no estranxeiro
• Viza e o CTAG participan nunha das dez Unidades Mixtas de Investigación vinculadas ao sector da automoción que promove a Xunta para impulsar a colaboración público-privada e captar novos investimentos na industria
• Salienta que México é un dos principais mercados para esta industria sendo o 7º fabricante mundial de vehículos, con preto dun millón e m …