Curso Horizonte Europa para PEMES sen experiencia

Título: Curso Horizonte Europa para PEMES sen experiencia
Lugar de celebración: on-line
Data de celebración: 19, 20 e 21 de outubro de 2026

A Axencia Galega de Innovación, no marco das súas actividades na rede Enterprise Europe Network – EEN-GALACTEAPLUS 2025-2028, organiza unha nova edición do programa formativo on-line sobre Horizonte Europa dirixido a PEMES galegas.

Esta edición está destinada a PEMES sen experiencia previa en programas europeos de I+D+i e terá unha duración total de 12 horas, distribuídas en tres xornadas de 4 horas. A formación impartirase en modalidade on-line síncrona e terá un enfoque práctico e participativo, con exemplos e casos reais.

Ao longo das tres xornadas abordaranse, entre outros contidos, a estrutura e os instrumentos de financiamento de Horizonte Europa, a identificación de oportunidades e convocatorias, a preparación de propostas, os criterios de avaliación, a procura de socios e construción de consorcios e os aspectos financeiros básicos e regras de participación.

O curso dispón de 12 prazas. A admisión realizarase por orde de inscrición, entre as empresas que cumpran os requisitos de participación, ata completar as prazas dispoñibles.

Consideraranse PEMES sen experiencia previa aquelas que participasen en menos de tres proxectos europeos de I+D+i, no marco de Horizonte Europa ou programas equivalentes.

As persoas participantes que asistan, como mínimo, ao 75 % das horas lectivas recibirán un certificado de participación.

• Formulario de inscrición
• Data límite para a inscrición: 9 de outubro de 2026
• Programa do curso (pdf)