Entrega dos III Premios Galicia de Innovación e Deseño

Título: Entrega dos III Premios Galicia de Innovación e Deseño
Data: 20/12/2022
Hora: 19.00 h.
Lugar: Hotel Monumento San Francisco, Santiago de Compostela

A Axencia Galega de Innovación celebra o martes 20 de decembro o acto de entrega da terceira edición dos Premios Galicia de Innovación e Deseño.

Durante a cerimonia daranse a coñecer os gañadores e gañadoras destes galardóns, cos que se recoñece o labor das persoas e empresas referentes do avance económico e social en Galicia a través da innovación e do deseño.

Profesionais de recoñecido prestixio integraron o xurado que seleccionou as persoas e empresas finalistas para as categorías das que consta o certame:

Deseño:

• Profesionais: profesionais do deseño (persoas ou equipos) cunha traxectoria de alomenos dez anos de recoñecido prestixio no sector: equipos creativos dos estudios Costa Comunicación Visual, Isaac Piñeiro Meira e MMASA.
• Talento emerxente: creadores e creadoras de ata 35 anos de idade cunha traxectoria profesional inferior a dez anos: Raquel Fernández Caamaño, Roberto Costas Fernández e Sara Regal Alonso.
• Empresas: empresas consolidadas que incorporaron o deseño á súa estratexia empresarial ao longo de, como mínimo, a última década: Hifas da Terra, Unvi Carroceros e Vertifil Industrial.

Innovación:

• Pequena e mediana empresa: pemes con demostrada actividade innovadora durante alomenos os últimos cinco anos: Alen Space, Centum Research&Technology e Little Electric Car España.
• Grande empresa: grandes empresas con actividade innovadora ao longo de, como mínimo, a última década: Compañía Española de Algas Marinas (Ceamsa), Puentes y Calzadas e Unvi Carroceros.
• Traxectoria innovadora: líderes empresariais e profesionais cunha traxectoria de alomenos dez anos na que a innovación fose relevante.

Descubre aos gañadorese gañadoras as en cada categoría asistindo á cerimonia de entrega:

• Formulario de inscrición.