Xornada On-line: Modalidades de protección da Propiedade Industrial e Intelectual e tratamento do software

Data: 22/06/2022
Duración: 2 horas
Horario: 9:15 h – 11:30 h
Modalidade: en liña
Nº prazas: 100
Prazo de inscrición: 17/06/2022
Custo: gratuíto

O CIS Tecnoloxía e Deseño continúa este ano 2022 coas actividades formativas en Vixilancia Tecnolóxica e Intelixencia Competitiva coa organización de catro xornadas online sobre a Propiedade industrial e intelectual e o aproveitamento da información xeolocalizada (Location Intelligence) na actividade empresarial.
Nesta primeira xornada trataremos as modalidades de protección da propiedade industrial e intelectual e tratamento do software.

A propiedade industrial e intelectual é o que identifica a empresa, achega diferenciación e seguridade xurídica. Resulta crucial tanto para construír unha imaxe de calidade no cliente como para diferenciarse da competencia. Por iso, é imprescindible que o persoal que está implicado nos procesos de I+D+i empresariais dispoña de competencias nestes ámbitos para poder identificar e protexer convenientemente os diferentes activos de propiedade industrial e intelectual da súa organización.

Abordaranse os seguintes temas:

• Que é a “propiedade industrial”
• Importancia da “propiedade industrial” para individuos e organizacións: propiedade intelectual e propiedade industrial
• A Propiedade Industrial rexistrada como medio de protección das innovacións
• Modalidades de Propiedade Industrial
• A protección dos desenvolvementos de software

Este taller será impartido por MARIANO NIETO, Xefe do Servizo de Documentación da Oficina Española de Patentes e Marcas e desde 2001 é Técnico Superior Examinador da devandita oficina.

Máis información e inscricións:

• Formulario de inscrición
• Programa (pdf)
• Teléfono: 981 337 133
• E-Mail: infocistd.gain@xunta.gal