3
Nov

Acto de peche do I Certame de Materiais Innovadores de Galicia

CIS Deseño e Tecnoloxía

Engadir ao calendario

Título: Acto de peche do I Certame de Materiais Innovadores de Galicia
Data: 03/11/2021
Hora: 10.30 h.

A Axencia Galega de Innovación celebra o mércores 3 novembro, coincidindo co Día Mundial dos Materiais, o acto de peche do Certame de Materiais Innovadores de Galicia, no que se darán a coñecer os seleccionados nesta primeira edición.

O acto terá lugar no CIS Tecnoloxía e Deseño (Ferrol), sede da Materioteca de Galicia, e poderá seguirse en streaming.

Entre as 80 candidaturas presentadas resultaron preseleccionadas dúas finalistas por cada unha das categorías das que consta o certame:

Artesanía:

  • Algodón tintado con Camellia sinensis (tecido con protección solar e libre de alérxenos e tóxicos). Tusbaki Diseño.
  • D-Leite (tecido de la meiriña e fibra de proteína láctea ecolóxica). Inés RIR & Co Diseño Textil Artesano.

Empresa:

  • Peroxibiokey (aceite vexetal con propiedades antisépticas, cicatrizantes, rexenerativas e antioxidantes). Keybiological.
  • Celtacal (abono orgánico elaborado con cuncha de mexillón). Ecocelta Galicia.

Investigación:

  • Recubrimento condutor térmico e eléctrico (material de confort para interior de vehículos de transporte, mobiliario, téxtil, etc.). Centro Tecnolóxico da Automoción de Galicia (CTAG).
  • Viga alixeirada de madeira Ecotimbercell (sistemas estruturais celulares ecolóxicos de madeira e derivados). Plataforma de Enxeñería de Madeira Estrutural (PEMADE) da Universidade de Santiago de Compostela (USC).

Empresa & Investigación:

  • Formigóns en masa e morteiros de revestimento con áridos reciclados da industria conserveira (material de construción elaborado a partir de cuncha de mexillón). Consorcio Biovalbo (Extraco & Grupo de Construción do Centro de Innovación Tecnolóxica en Edificación e Enxeñería Civil (CITEEC) da Universidade da Coruña (UDC).
  • Mestura bituminosa en frío aditivada con nanocelulosa (biopavimento alternativo ao asfalto convencional). Misturas, Obras e Proxectos & Grupo de Estradas, Xeotecnia e Materiais do CITEEC da UDC.

Descubre os materiais seleccionados en cada categoría asistindo ao evento en streaming https://www.cistecnoloxiaedeseno.gal/intranet/campan/inscribir/71.

Programa do evento dispoñible nesta ligazón (pdf).