Festival de Innovación Social: Ares Innova 2021

Título: Festival de Innovación Social: Ares Innova 2021
Data: 1, 2 e 9 de outubro de 2021
Lugar: Concello de Ares (A Coruña)

A Axencia Galega de Innovación (Gain) organiza os días 1, 2 e 9 de outubro o Festival de Innovación Social: Ares Innova 2021. Este evento aberto á cidadanía terá lugar no marco da Estratexia de Especialización Intelixente (RIS3) de Galicia e do Programa de Deseño para a Innovación e a Sustentabilidade 2024 – DIFERENZA.

As localidades de Montefaro, Redes e Ares serán o escenario deste gran festival, que busca achegar a cultura da innovación social a públicos de todas as idades.

As actividades do evento combinan deseño, arte, cultura e innovación nun ambiente distendido. Nel priorizarase a reflexión compartida para avanzar, mediante novos enfoques, no desenvolvemento sostible baseado na especialización intelixente:

• Presentación da RIS3 galega e exposición de proxectos galegos relacionados cos seus retos.
• Presentación e desenvolvemento do proxecto RuralLab e das súas residencias creativas.
• Talleres de design thinking e cocreación relacionados con desafíos económicos, sociais e medioambientais.
• Talleres para familias, rapaces e rapazas relacionados coa cultura maker e a sustentabilidade.
• Charlas e faladoiros sobre a importancia de innovar.
• Espazos de participación cidadá para definir retos compartidos.
• Accións creativas, mostras artísticas e espectáculos nos que se mesturan a música, a danza e a artesanía.

Máis información:

• Programa do evento (pdf)
• Programa do día 9 de outubro (pdf)