Obradoiro de Iniciación a Unity

Data: 26 de abril ao 7 de maio
Duración: 30 horas (10 días – 3 horas/día)
Horario: 10h – 13h de luns a venres
Modalidade: en liña
Nº prazas: 15
Prazo de inscrición: até o 19 de abril
Custo: gratuíto
Requisitos previos: recomendable coñecementos de programación

Este obradoiro ofrece unha visión xeral de Unity, onde aprenderemos os conceptos básicos da programación gráfica e tamén a facer uso das súas funcións e ferramentas máis comúns. O obxectivo final será o de ser capaces de crear unha simulación 3D desde cero incluíndo as interaccións coa contorna.

Comezaremos vendo unha introdución á Realidade Virtual e Aumentada, as súas aplicacións e o equipamento necesario para o seu desenvolvemento.

Profundizaremos na interface de Unity e as diferenzas entre a programación tradicional e a gráfica.

Aprenderemos conceptos como bucle da simulación, a escena e os tipos de obxectos e compoñentes que podemos utilizar para crear o noso aplicación 3D.

Veremos as diferentes formas nas que podemos incluír modelos 3D á nosa aplicación sen esquecernos de algo tan importante como a iluminación da escena e a creación e configuración dos materiais e texturas personalizados.

Finalmente aprenderemos a crear interaccións simples coa nosa contorna e veremos como xerar estas aplicacións para diferentes dispositivos.

Contido:

• Instalación e configuración (vídeo en liña dispoñible aquí).
• Introdución de Unity.
• Interface de Unity.
• A escena: Components e Gameobjects. Propiedades.
• Importación de modelos.
• Iluminación e materiais.
• Programando interaccións.
• Exportación.

Máis información e inscricións:

• Teléfono: 981337129
• E-Mail: infocistd.gain@xunta.gal
• Inscricións
• Máis información sobre os Obradoiros de Xeración de Aplicacións Realidade Virtual e Aumentada con Unity (pdf)