HACKatHOME

Título: #HACKatHOME
Data: do 27 ao 30 de xuño

Involucramos a empresas tecnolóxicas, universidades e a persoas innovadoras nun hackathon para atopar solucións a problemas derivados da crise do covid19.

Desde a Xunta de Galicia propoñemos unir, de forma remota, a persoas de diferentes ámbitos relacionados coa tecnoloxía para desenvolver ideas innovadoras e así axudar á industria, ao comercio e ao emprego para construír unha nova realidade.

Por este motivo, nace en Galicia o primeiro hackathon virtual que involucra a programadores, investigadores, deseñadores, estudantes… En definitiva, a calquera persoa que crea que traballando en grupo e colaborando podemos chegar a pensar e empezar a construír solucións tanto físicas como dixitais para afrontar os cambios que nos esperan.

CINCO RETOS

Os proxectos que se expoñan deben dar unha resposta innovadora e tecnolóxica aos cinco retos principais propostos polas empresas e organismos colaboradores no hackathon.

• Reto 1. Solucións “De baixo contacto” – Ideas para mellorar os espazos de traballo así como a xestión de produtos, materiais e ferramentas para evitar a dispersión do virus.
• Reto 2. Repensando a venda ao público – Ideas para incrementar a seguridade dos espazos comerciais e evitar o impacto negativo no volume de negocio.
• Reto 3. Traballo en remoto – Ideas para optimizar o traballo en remoto ou minimizar o contacto interpersoal nos sectores que requiran traballo presencial.
• Reto 4. Unha industria máis local – Ideas para reducir as necesidades de desprazamento da industria tanto para a compra como para a oferta.
• Reto 5. Un novo concepto de “equipo” – Ideas para coordinar equipos de traballo nun novo contexto de separación física.

DO 27 AO 30 DE XUÑO

Catro días de traballo intenso en remoto xunto con actividades paralelas online e un pitching final de proxectos. Todo iso acompañado de charlas inspiradoras e outras actividades virtuais de dinamización e desenvolvemento áxil dos proxectos.

Máis información e inscricións: https://gl.hackathome.gal