Encontros bilaterais para a cooperación empresarial e transferencia de tecnoloxía no marco de Conxemar 2016

Lugar: Feira Internacional de Produtos do Mar Conxelados (CONXEMAR 2016). IFEVI, Avenida do Aeroporto, 772, Vigo
Data: do 4 ao 6 de outubro de 2016

A Enterprise Europe Network (EEN), da que a GAIN é membro a través do Consorcio Galactea-Plus, organiza os Segundos Encontros Bilaterais para a cooperación empresarial e transferencia de tecnoloxía no marco da Feira Internacional de Produtos do Mar Conxelados (Conxemar).

Esta iniciativa ofrece aos participantes na feira a oportunidade de establecer contactos con socios potenciais de negocios internacionais e nacionais, coñecer novas tecnoloxías presentes no sector ou comezar proxectos de cooperación tecnolóxica e/ou empresarial.

Pode rexistrarse seguindo os seguintes pasos:

• Entre en: www.b2match.eu/conxemar2016
• Rexistre o seu perfil de cooperación antes do 26 de setembro (en inglés).
• Describa a súa empresa e tipo de socios que está buscando.
• Revise periodicamente o catálogo de entidades rexistradas e reserve reunións con aquelas que lle resulten máis interesantes. Os días anteriores ao evento recibirá a súa axenda personalizada coas reunións programadas.

Máis información: 981 33 71 46 ou galactea.gain@xunta.gal