Sistemas de seguimento para medir o impacto de RIS3 rexionais e transrexionais

Lugar: Sede da Axencia Galega de Innovación. Rúa Airas Nunes, s/n. Santiago de Compostela
Data: 17 de decembro de 2015
Hora: de 10:00h a 16:30h

A Estratexia de Especialización Intelixente de Galicia RIS3, aprobada a finais de 2014, prevé a participación dos distintos axentes do Sistema Galego de Innovación no seu seguimento, avaliación e mellora continua.

Con este obxectivo, a Axencia Galega de Innovación (GAIN) está a organizar este foro, no que se traballará conxuntamente, entre expertos nacionais e internacionais e axentes do Sistema Galego de Innovación, nun modelo de seguimento máis eficaz para a RIS3 de Galicia.

O foro contará con dúas partes, unha primeira parte pola mañá na que se exporán e debaterán os obxectivos dun sistema de indicadores e os problemas e oportunidades que implica, e unha segunda parte, pola tarde, na que se celebrarán talleres de traballo temáticos para fomentar a participación activa dos axentes galegos.

Programa completo da xornada
Formulario de inscrición dispoñible nesta ligazón