Programa Ciencia Empresa
Convocatoria Proxectos individuais I+D empresarial 2026
Axudas para a posta en marcha de proxectos individuais de investigación e desenvolvemento, cuxa actividade se enmarca nas prioridades estratéxicas da RIS3 Galicia 2021-2027, cofinanciadas pola Unión Europea no marco do programa de Galicia Feder 2021-2027, e se procede á súa convocatoria para o ano 2026.
- Código de Procedemento: IN852F
- Data prevista de publicación en DOG: 25 de marzo de 2026
- Prazo de presentación de solicitudes: ata 27 de abril de 2026
- Presentación de solicitudes: Sede electrónica da Xunta de Galicia
- Organismo xestor: Axencia Galega de Innovación
Obxecto
Estas axudas están orientadas a apoiar a realización de proxectos de investigación industrial e de desenvolvemento experimental por parte das pequenas e medianas empresas galegas, que lles permitan desenvolver solucións tecnolóxicas de alto impacto, mellorar a súa competitividade e potenciar a xeración de emprego altamente cualificado.
Beneficiarios
Pequenas e medianas empresas (PEMES) que realicen un proxecto de I+D individual, cuxas actividades se desenvolvan en Galicia.
Tipo e intensidade da axuda
- Tipo de convocatoria: convocatoria en réxime de concorrencia competitiva
- Tipo de axuda: subvención
- Orzamento mínimo: 100.000€
- Orzamento máximo: 500.000€
| Categoría predominante do proxecto | Non STEP – Pequena Empresa | Non STEP – Mediana Empresa | STEP – Pequena Empresa | STEP – Mediana Empresa |
|---|---|---|---|---|
| Investigación industrial | 60% | 60% | 75% | 65% |
| Desenvolvemento experimental | 50% | 40% | 50% | 40% |
Orzamento global: 3.000.000 €.
Orzamento total STEP: 2.400.000 €
Orzamento total non STEP: 600.000 €
Quen pode solicitar estas axudas?
As axudas desta convocatoria poderán ser solicitadas por pequenas e medianas empresas (PEMES) que realicen un proxecto de I+D individual, cuxas actividades se desenvolvan en Galicia. Deste xeito, a entidade beneficiaria deberá contar cun centro de traballo permanente legalmente constituído en Galicia onde realice as actividades descritas na memoria técnica do proxecto.
Custos elexibles
- a) Custos directos
- 1. Custos de persoal.
- 2. Custos de equipamento e material instrumental de nova adquisición
- 3. Materiais, subministracións e produtos similares.
- 4. Adquisición de patentes.
- 5. Subcontratacións (inclúen servizos tecnolóxicos externos).
- 6. Outros custos, que inclúen:
- O custo derivado do informe de valoración do cumprimento do principio de non causar un prexuízo significativo ao ambiente (DNSH), cun máximo de 1.500 € por proxecto.
- O custo derivado da contratación externa do plan de comunicación e difusión do proxecto, previsto no artigo 16 desta convocatoria.
- b) Custos indirectos: 15% dos custos de persoal subvencionables.
Documentación e ligazóns
- Borrador do texto da convocatoria [pendente de publicación no DOG] (pdf)
- Programa Ciencia-Empresa dunha ollada (pdf)
Máis información
- Nos teléfonos 881 999 121 e 881 999 162
- No enderezo de correo electrónico servizos.gain@xunta.gal
