VInnovate Galicia 2025

Programa: Convocatoria VInnovate Galicia 2025
Data de publicación no DOG: 12/09/2025
Código do procedemento: IN848G

A Axencia Galega de Innovación forma parte da rede europea Vanguard Initiative composta por 33 rexións e que ten por obxectivo común estimular a I+D relacionada coas cadeas de valor de maior interese para estas rexións aliñadas coas súas respectivas RIS3.

Para desenvolver este obxectivo a Vanguard Initiative puxo en marcha en 2024 o mecanismo de financiamento interrexional VInnovate, un instrumento conxunto de financiamento que facilita a creación de consorcios entre os axentes dos ecosistemas das rexións europeas participantes para impulsar proxectos estratéxicos interrexionais.

Que rexións europeas participan nesta iniciativa?

• Leste dos Países Baixos – provincias de Gelderland e Overijssel (Países Baixos).
• Sur dos Países Baixos (Países Baixos)
• Lombardía (Italia)
• Emilia Romaña (Italia)
• Gales (Reino Unido)
• Galicia (España)
• País Vasco ( España)
• Baixa Austria (Austria)
• Baixa Saxonia (Alemaña)
• Norte de Portugal (Portugal)
• Nordeste de Romanía (Romanía)

Obxectivo

Potenciar unha maior colaboración e presenza europea e internacional dos axentes do ecosistema galego de I+D+i, promovendo a realización de proxectos colaborativos interrexionais de I+D.

Quen pode solicitar estas axudas?

Organismos de investigación e empresas (grandes, medianas e pequenas).

Modalidade dos proxectos

En cooperación. Unha delas ten que ser unha peme.

Documentación e ligazóns

• Convocatoria
• Anexos (zip)
• VInnovate Galicia 2025 dunha ollada (pdf)
• Corrección de erros
• Resolución de modificación das bases da convocatoria
• Resolución de concesión da axuda
• Corrección de erros

Documentación para a solicitude de redistribución de anualidades e para a solicitude de pagamentos anticipados

Poderase solicitar unha redistribución entre as anualidades concedidas a partir da anualidade 2026, cun límite do 40% do custo concedido para cada anualidade, variando proporcionalmente a seguinte anualidade orzada. O prazo para solicitar esta redistribución de anualidades remata o 30 de xuño da anualidade afectada. (art. 32.5).

Poderanse solicitar pagamentos anticipados segundo as seguintes porcentaxes (art. 38):

• Anualidade 2026: ata o 100% da subvención concedida desta anualidade.
• Anualidades sucesivas: ata o 50% da subvención concedida en cada anualidade.

En ningún caso o importe da totalidade dos anticipos concedidos poderá superar o 80% da subvención total concedida.

A suma dos pagamentos anticipados e á conta non poderá superar o 90% da subvención total concedida.

No caso de solicitaren ambos, redistribución de anualidades e pagamento anticipado, a solicitude de redistribución de anualidades DEBERÁ SER ANTERIOR á solicitude do anticipo, para os efectos de establecer o importe que se pode anticipar. En caso contrario, unha vez efectuado o pagamento anticipado da anualidade correspondente, non se poderá redistribuír as anualidades.

• Modelo de redistribución de anualidades (pdf)
• Modelo de anticipo da anualidade (pdf)
• Modelo de anticipo con redistribución previa de anualidades (pdf)
• Modelo de declaración doutras axudas (pdf)

Máis información

• No correo electrónico axudas.gain@xunta.gal
• Nos teléfonos 981 95 73 03 e 981 95 70 11