Convocatoria de misións - Axencia Galega de Innovación

Programa: Convocatoria de misións
Data de publicación DOG: 14/02/2024
Código do procedemento: IN856C
Prazo de presentación de solicitudes: 90 días naturais a partir da súa publicación no DOG (14 de maio)

Que son as misións?

Axudas destinadas a apoiar as Misións de Especialización Intelixente de Galicia, no marco da Estratexia de Especialización Intelixente de Galicia RIS3 2021-2027. As misións son un elemento novidoso da RIS3 2021-2027, que foron definidas a través dun proceso participativo cos axentes do ecosistema galego de innovación. O seu obxectivo é promover a realización de proxectos de I+D e innovación e investimento produtivo de carácter estratéxico para contribuír ás Misións de Especialización Intelixente.

Fixan metas cuantificables e alcanzables que contribúan de forma concreta a dar resposta aos retos establecidos no marco da RIS3. A convocatoria busca mobilizar e aliñar capacidades empresariais, de coñecemento e tecnolóxicas de diferentes ámbitos e sectores, para desenvolver proxectos con capacidade de impacto real a nivel produtivo e social.

Misións

Misión 1: Contribuír á mitigación e adaptación ao cambio climático do sector primario de Galicia, a partir da redución da súa pegada nun 10% (carbono, hídrica, ecolóxica) en 2030 mediante a circularidade e a simbiose entre actuacións, así como a rexeneración dos ecosistemas.
Misión 2: Contribuír á redución do 57% das emisións de gases de efecto invernadoiro en Galicia, con respecto a 1990, para o ano 2030 incrementando a reutilización de materias primas, produtos e materiais xa presentes no ciclo produtivo.
Misión 3: Contribuír, de cara ao 2030, a incrementar os anos de vida saudable de 84 a 88, mediante a redución de enfermidades ou problemas de enfermidades non transmisibles e a mellora da calidade de vida (hábitos e contornas saudables e seguras).

Quen pode solicitar estas axudas?

Pemes e grandes empresas.
Centros tecnolóxicos e centros de apoio á innovación tecnolóxica.
Universidades, organismos e centros públicos de investigación.
Entidades e institucións sanitarias públicas e privadas que desenvolvan actividade investigadora.
Entidades públicas e privadas sen ánimo de lucro relacionadas coa I+D+i.
Agrupacións ou asociacións empresariais que realicen actuacións de I+D+i.

Modalidade de participación

Cooperación a través de consorcios.

Máis información

No correo electrónico axudas.gain@xunta.gal

Documentación e ligazóns

Documentación para a xustificación da anualidade 2025

Modelo X1. Solicitude de libramento da subvención (odt)

Modelo X2. Resumo de execución global (ods)

Modelo X3. Resumo de execución por entidade (ods)

Modelo X4. Declaración doutras axudas (odt)

Modelo X5. Xustificación de custos de persoal para proxectos concedidos no 2024 (ods)

Modelo X5. Xustificación de custos de persoal para proxectos concedidos no 2025 (ods)

Modelo X6. Declaración de contabilidade separada (odt)

Modelo X7. Informe técnico normalizado (odt)

Documentación para a xustificación da anualidade 2024

Modelo X1. Solicitude de libramento da subvención (odt)

Modelo X2. Resumo de execución global (ods)

Modelo X3. Resumo de execución por entidade (ods)

Modelo X4. Declaración doutras axudas (odt)

Modelo X5. Xustificación de custos de persoal (ods)

Modelo X6. Declaración de contabilidade separada (odt)

Modelo X7. Informe técnico normalizado (odt)

Obrigas de información e comunicación

Artigo 50 relativo ás responsabilidades dos beneficiarios, do Regulamento (UE) 2021/1060 de disposicións comúns

O uso do emblema europeo no contexto dos programas da UE 2021-2027 (pdf)

Comunicación da Política de Cohesión (pdf)

Comunicación das Operacións de Importancia Estratéxica (pdf)

Modelo de cartel (odt)

Modelo de publicación nas redes sociais (odt)

Descarga de logotipos (zip)

Indicadores de comunicación

A maiores da documentación xustificativa de cada anualidade, con carácter semestral solicitarase aos beneficiarios os indicadores de publicacións en redes sociais, actuacións en medios de comunicación e celebración de eventos:

Documentación para a solicitude de pagamento anticipado

Poderán realizarse pagamentos anticipados e á conta das subvencións sen superar en ningún caso o importe correspondente a cada exercicio orzamentario (art. 38).

Poderanse solicitar pagamentos anticipados segundo as seguintes porcentaxes:

Primeira anualidade: ata o 100% da subvención concedida da anualidade
Anualidades sucesivas: ata o 50% da subvención concedida en cada anualidade

En ningún caso o importe da totalidade dos anticipos concedidos poderá superar o 80% da subvención total concedida.

A suma dos pagamentos anticipados e á conta non poderá superar o 90% da subvención total concedida.

Modelo de anticipo da anualidade 2024 (pdf)
Modelo de anticipo da anualidade 2025-2027 (pdf)

Prazo de presentación do informe DNSH

Consonte o artigo 31.7 da convocatoria, as entidades que resulten beneficiarias, deberán achegar no prazo de 3 meses, contados dende o día seguinte ao da publicación da resolución de concesión da axuda, un informe positivo do cumprimento do principio de non causar un prexuízo significativo ao medio ambiente (DNSH) mediante unha entidade acreditada por ENAC.

Consonte o artigo 16.2 da convocatoria, o informe debe estar referido a todo o proxecto, incluíndo tanto a parte executada directamente polos beneficiarios como a parte subcontratada.

Se non se presenta no prazo indicado, revogarase a axuda concedida.

De xeito excepcional, as entidades beneficiarias poderán presentar unha prórroga, por causas debidamente xustificadas, de ata un mes.