Programa Industrias do Futuro 4.0

Axudas orientadas a proxectos de investigación industrial, desenvolvemento experimental e innovación centrados en tecnoloxías industriais innovadoras.

Descrición e obxectivos

Concesión de axudas para fomentar o investimento privado para o financiamento da innovación a través do apoio a grandes proxectos empresariais de I+D+i de carácter estratéxico para o tecido industrial galego, todo isto incluído no plan de acción da RIS3 de Galicia.

  • Intensidade da Axuda: dependendo do tipo de empresa e tipo de proxecto a intensidade vai dende un 15% a un 80%.
  • Beneficiarios: empresas, agrupacións de empresas, organismos de investigación e grandes empresas
  • Organismo xestor: Axencia Galega de Innovación
  • Tipo de apoio: subvencións a fondo perdido
  • Código do procedemento: IN854A
  • Convocatoria publicada no DOG
  • Data de publicación no DOG: 04/06/2018
  • Prazo de presentación de solicitudes:
    • Primeira edición: 05/06/2018 – 04/07/2018
    • Segunda edición: desde o día seguinte á publicación da resolución de concesión da primeira edición no DOG ata o 28/09/2018
    • Presentación de solicitudes: https://sede.xunta.gal

Máis información

axudas.gain@xunta.gal
981 95 73 03
981 95 78 72
881 99 93 55

Condicións dos beneficiarios

  • Empresas industriais con un establecemento estable en Galicia que poidan liderar proxectos de I+D+i. Atendendo ao seu tamaño poden ser pequenas, medianas e grandes.
  • Agrupacións dunha empresa ou empresas e un organismo de investigación e difusión que realicen proxectos en cooperación.

Condicións específicas dos proxectos

Deberán ser proxectos empresariais de investigación industrial, desenvolvemento experimental e innovación en materia de organización e procesos. Deberán ter un orzamento subvencionable mínimo de 4.000.000 de euros e un máximo de 10.000.000 de euros. Poderán ser proxectos individuais dunha empresa ou en cooperación.

Debido ao efecto incentivador que establece o Regulamento (UE) nº 651/2014, a data de inicio do proxecto debe ser posterior á da presentación da solicitude da subvención.

A duración mínima dos proxectos será de dúas anualidades e a máxima estenderase ata o 30 de setembro de 2020.

Actividades subvencionables

Son actividades subvencionables a investigación industrial, o desenvolvemento experimental e a innovación en materia de organización e procesos.

Gastos subvencionables
  • Custos directos: aqueles que están directa e inequivocamente relacionados coa actividade subvencionada e que poida demostrarse. Considéranse custes directos
    • Custo de persoal
    • Custo de equipamento e material instrumental de nova adquisición
    • Materiais, subministracións e produtos similares
    • Adquisición de patentes
    • Servizos tecnolóxicos externos
    • Subcontratacións
    • Outros custos: o custo derivado do informe realizado polo auditor respecto ao proxecto que se require para a súa xustificación

  • Custos indirectos: aqueles que non están vinculados ou non poden vincularse directamente coa actividade subvencionada pero que resultan necesarios para a súa realización: xestión administrativa e contable, gastos de supervisión e control de calidade; subministracións tales como auga, electricidade, calefacción e teléfono; seguros, seguridade ou gastos de limpeza.

Contía da axuda

A contía máxima da axuda que pode ser concedida aos proxectos seleccionados determinarase sobre o investimento conforme os límites de intensidade previstos nos artigos 25 e 29 do Regulamento (UE) 651/2014, de acordo coa seguinte táboa:

Categoría predominante do proxecto / da participación dun membro da agrupación no caso de proxectos en cooperación Pequena empresa Mediana empresa Grande empresa
Investigación industrial 70% 60% 50%
Desenvolvemento experimental 45% 35% 25%
Investigación industrial con colaboración efectiva entre empresa/s dun mesmo grupo empresarial e un organismo de investigación e difusión, tendo o organismo dereito a publicar os resultados da súa propia investigación 80% 75% 65%
Desenvolvemento experimental con colaboración efectiva entre empresa/s dun mesmo grupo empresarial e un organismo de investigación e difusión, tendo o organismo dereito a publicar os resultados da súa propia investigación 60% 50% 40%
Innovación en materia de procesos e organización 50% 50% 15%

Outras especificacións da convocatoria

Axudas cofinanciadas no marco do Programa Operativo Feder Galicia 2014-2020 en réxime de concorrencia competitiva.

Documentación e ligazóns


Axudas cofinanciadas polo Fondo Europeo de Desenvolvemento Rexional (Feder) no marco do Programa Operativo Feder Galicia 2014-2020

Fondo Europeo de Desenvolvemento Rexional