Préstamos IFI INNOVA

Que son os prestamos IFI Innova?

IFI INNOVA é un novo programa de préstamos desenvolvidos pola Axencia Galega de Innovación (Gain) e o Instituto Galego de Promoción Económica (Igape), co obxectivo de intensificar o apoio ás micro, pequenas e medianas empresas galegas no financiamento de novos proxectos innovadores.

Condicións dos préstamos IFI Innova

Importe mínimo do préstamo solicitado: 50.000 €
Importe máximo do préstamo solicitado: 500.000€
Orzamento mínimo subvencionable: 71.500€
Esquema de financiamento:

• O Igape asinará un protocolo de colaboración coas principais entidades de crédito que operan en Galicia para facilitar o financiamento do custo restante do proxecto

Tipo de interese fixo: Euribor a un ano+0,10%
Prazo: entre 2 e 12 anos.
Carencia: Período de carencia de ata 4 anos, coa posibilidade de incorporar amortizacións aceleradas en función da xeración de recursos da empresa.
Garantías: Sen garantías ata 200.000 euros; posibilidade de solicitalas en función do proxecto.

Quen pode solicitar estes préstamos?

O programa de préstamos poderá ser solicitado por:

• Microempresas, pequenas e medianas empresas individuais ( de acordo coas definicións do Anexo I do Regulamento (UE) nº 651/2014), especialmente as de base tecnolóxica, en fase semente ou startup, pero tamén aquelas pemes que, a pesar de ter unha traxectoria contrastada, desexan emprender proxectos innovadores.

• Domicilio social ou centro de traballo en Galicia, onde deberán desenvolver as actividades para as que se solicita o préstamo

Tipos de proxectos

Terán a condición de proxectos financiables os proxectos de I+D+i desenvolvidos co obxectivo de mellorar a posición competitiva da empresa.

Os proxectos de I+D+i deberán estar encadrados nos seguintes TRL 5,6,7 ou 8 (Technology Readiness Levels), referidos ao nivel de madurez dunha tecnoloxía.

Pode consultar a información específica sobre a defición de cada nivel TRL no apartado de “Documentación e ligazóns”

Custos financiables

No ámbito de estes proxectos considéranse custos financiables os seguintes:

• Gastos de persoal vinculado ao desenvolvemento do proxecto.
• Custos de bens de equipo, instalacións técnicas, equipos para procesos de información ou datos, software, instrumental, utillaje, moldes e materiais necesarios para o desenvolvemento do proxecto.
• Custos de investigación contractual, coñecementos técnicos e patentes adquiridas ou obtidas por licenza de fontes externas a prezos de mercado.
• Contratación a entidades de investigación e/ou desenvolvemento tecnolóxico.

Documentación e ligazóns

• Plataforma do IGAPE para a solicitude telemática [Procedemento IG246]
• Niveles de Madurez da Tecnoloxía (pdf)
• IFI Innova dunha ollada (pdf)
• Resolución do 14 de marzo de 2022 pola que se dá publicidade do Acordo do Consello de Dirección que aproba as bases reguladoras dos préstamos previstos no Instrumento financeiro préstamos pemes Galicia-programa operativo Feder Galicia 2014-2020, e se procede á súa convocatoria para o ano 2022 en réxime de concorrencia non competitiva [código de procedemento IG534C]
• Información na web do IGAPE

Prazo de presentación de solicitudes

O prazo de presentación de solicitudes comezará o día seguinte ao da publicación desta resolución no Diario Oficial de Galicia, e rematará cando se produza a primeira das seguintes circunstancias:

• que se esgote o crédito orzamentario.
• o 30 de setembro de 2022 ata as 14.00 horas.
• Resolución do 23 de setembro de 2022: o prazo de presentación de solicitudes tense ampliado ata o vindeiro día 31 de outubro de 2022.

Máis información

No enderezo electrónico servizos.gain@xunta.gal
Nos teléfonos 900 815 151 (IGAPE) e 881 999 471 (GAIN)

Axudas cofinanciadas pola Unión Europea Programa Operativo Feder Galicia 2014-2020 – Unha Maneira de facer Europa