Mapa de provedores de deseño
O Mapa de Provedores de Servizos de Deseño é o primeiro directorio online de profesionais e empresas galegas do sector.
Trátase dunha ferramenta de traballo para conectar oferta e demanda que ofrece:
- A profesionais e estudios de deseño galegos: visibilidade e promoción da súa oferta e actividade, mediante o seu rexistro no mapa como provedores de servizos.
- A empresas demandantes de servizos de deseño: un punto único de acceso á información sobre provedores, incluíndo o seu catálogo de oferta, os seus proxectos de referencia e os seus datos de contacto.
Para facilitar a localización de provedores, o mapa organízase en función de todas as especialidades do deseño:
- Deseño gráfico e comunicación visual.
- Consultoría estratéxica de deseño.
- Deseño de espazos.
- Deseño dixital.
- Deseño industrial e de produto.
- Deseño de moda.
Premendo na imaxe seguinte podes acceder ao Mapa de provedores do deseño galego:
